rKTs

e-texts navigator

Volume

Page

139a₁ gsum ni mya ngan las 'das pa'i shes rab ste/ de ni glog gi tshor ba bsal ba'o/ /bzhi ni mtha' yun gyi shes rab ste/ yang dag pa'i cho ga tshangs pa'i lam du 'jug pa'o/ /ya rabs de lta bu'i don chen po bzhi ni snga ma 'das pa'i sangs rgyas rnams
139a₂ kyis nga bshad pa ste/ zab mo chen po yin no/ /sems can bstan na shes rab 'di spyad pa'i rigs so/ /ya rabs tshangs par spyod pa chen po yin no/ /yang don chen po rnam gsum yod de/ ting nge 'dzin gsum phyi nang du gcig la gcig mi gnod do/ /gnyis ni gzhung
139a₃ chen po 'khor la lam bzhin du bdabs te bsal ba'o/ /gsum ni mi g.yo ba'i shes rab thub pas snying rje dang gnyis ka rno ba'o/ /de lta bu'i don gsum gyi byang chub 'byor 'grub bo/ /de lta bu'i don ma spyad na shes rab de bzhin du 'bab mi nus te/ bdud chen po rnams kyis glags
139a₄ rnyed par 'ong ngo / /ya rabs khyod la sogs pa mang pos sangs rgyas grub kyi bar du rtag par spyod pa sbyangs te skad cig kyang stong par ma byas shig /ya rabs tshangs par spyod pas gsol pa/ ji lta bur na ting nge 'dzin gsum zhes bgyi/ sangs rgyas kyis gsungs pa/ ting
139a₅ nge 'dzin gsum zhes bya ba de ni stong pa'i ting nge 'dzin dang / mtshan ma med pa'i ting nge 'dzin dang / bya ba med pa'i ting nge 'dzin dang / de lta bu'i ting nge 'dzin to/ /ya rabs tshangs par spyod pas gsol pa/ ji lta bur na 'khor gzhung chen po 'khor zhes bgyi/ sangs rgyas
139a₆ kyis gsungs pa/ chen po bzhi'i gzhung ste/ phung po dang / khams dang / zhugs pa la sogs pa'i 'khor to/ /phyi mo'i rnam par shes pas gzhung chen po'i 'khor yin no/ /ya rabs tshangs par spyod pas gsol pa/ bsam gyis mi khyab pa de lta bu'i shes
139a₇ rab kyi don ni bdag la yang phan/ gzhan la yang phan te khams kyi sa las 'das nas/ mya ngan 'das pa la yang mi chags te/ byang chub kyi lam du chud do/ /de lta bu'i chos kyi mtshan ma ni skye shi'i chos yin te/ rnam par rtog pa dang bral na chos ni ma zhi ba'o/ /de nas

_{iiif viewer powered by OpenSeadragon}

138b - 139b

Texts on this page