rKTs

e-texts navigator

Volume

Page

138b₁ mtsho chen po la gnas na mang po 'bab pa 'dus te/ ro bro ba gcig la gnas pas ni ro bro ba kun 'dus so/ /ya rabs tshangs par spyod pas gsol pa/ chos la ro gcig pu ni ji lta bur theg pa gsum gyi lam ste/ de'i shes rab mtshungs zhes bgyi/ sangs rgyas kyis gsungs
138b₂ pa/ ya rabs dper na chu bo kong dang / ha dang / ho he dang / mtsho dang mtshungs te che chung tha dad do/ /zab mi zab tha dad do/ /ming mkhan tha dad do/ /chu de kong gi nang na 'dug pa na ming kong gi chu zhes bya'o/ /'o yi nang na 'dug na 'o yi chu zhes bya'o/ /ha'i nang na 'dug na ha'i
138b₃ chu zhes bya'o/ /kun lhan cig mtsho'i nang na 'dug pa ming mtsho chu zhes bya'o/ /chos kyang de dang mtshungs de kun yang dag pa'i mi g.yo ba la 'dug ste/ ming sangs rgyas kyi lam 'ba' zhig go/ /yang ya rabs sangs rgyas kyi lam gcig pu la gnas na spyad pa gsum spyad pa ma yin no/ /
138b₄ ya rabs tshangs par spyod pas gsol pa/ ji lta bur na spyad pa gsum zhes bgyi/ sangs rgyas kyis gsungs pa/ gcig ni don bzhin du spyod pa blangs pa'o/ /gsum ni mi g.yo ba bzhin du blangs te spyod pa'o/ /ya rabs de lta bu spyod pa gsum gyis sgo mang po'i mdo bsdus te chos
138b₅ thams cad kyi sgo mor 'dir mi 'jug pa med do/ /spyod pa 'dir zhugs pa ni stong pa'i mtshan ma mi skye'o/ /de ltar zhugs pa ni yang dag par gshegs par zhugs zhes byar rung ngo / /yang dag par gshegs par zhugs pa ni zhugs zhugs na ma zhugs so/ /ya rabs tshangs par
138b₆ spyod pas gsol pa/ bsam gyis mi khyab par yang dag par gshegs pa'i 'jug pa ljang bu las 'brur rnyed pa dang mtshungs te 'jug pa'i gnas med do/ /phyi mo rtsa ba rno ba'i grub ste phyi mo thob na phyi mo bden pa'i mu thob pa de'i shes rab du mchis/ sangs rgyas kyis
138b₇ gsungs pa/ shes rab de la grangs med de/ mdo tsam zhig bshad na shes rab de la bzhi yod do/ /bzhi gang zhes byas na/ gcig ni thub pa'i shes rab ste/ 'di ni mi g.yo ba bzhin no/ /gnyis ni 'gyur ba'i shes rab ste/ de ni thabs kyis ni bshig pa'o/ /

_{iiif viewer powered by OpenSeadragon}

138a - 139a

Texts on this page