| e-texts navigator |
| བོད་ཡིག |
138a1 ngo bo nyid stong pa'i ye shes kyi chos skyes so/ /rdo rje'i ting nge 'dzin gyi chos kyi yi ge le'u bdun te/ yang dag par gshegs pa'i mdzod kyi le'u'o// //de'i ya rabs tshangs par spyod pa sngon gyi gnas nas langs te sangs rgyas la gsol
138a2 pa/ btsun pa skye ba'i gzhung ni ma bkab/ shi ba'i gzhung ni mi skye ste/ de lta bu mi g.yo ba'i gzhung ni sangs rgyas kyi byang chub lags so/ /byang chub kyi ngo bo nyid la ni rnam par rtog pa ma mchis/ rnam par rtog pa'i shes rab ma mchis so/ /rnam par rtog pa'i
138a3 grangs ma mchis pa'i mtshan ma ni rnam par rtog pa 'ba' zhig gis bkab bo/ /de lta bu'i gzhung gi mtshan ma ni bsam gyis mi khyab bo/ /bsam gyis mi khyab pa'i nang na rnam par rtog pa ma mchis na/ btsun pa chos so cog grangs ni dpag tu ma mchis/ mu ma mchis
138a4 te/ mu ma mchis pa'i chos kyi mtshan ma ni yang dag pa gcig gi gzhung gi ngo bo nyid de/ ngo bo nyid gcig 'ba' zhig la gnas pa de'i don ji lta bu/ sangs rgyas kyis gsungs pa/ ya rabs bsam gyis mi khyab pa ni ngas chos rnams bshad pa la bslad pa rnams kyi phyir
138a5 thabs kyi lam spyod do/ /chos so cog gi mtshan ma ni yang dag pa gcig gi gzhung gi shes rab bo/ /ji lta zhe na/ dper tshong dus gcig la sgo chen po bzhi phye ba dang mtshungs te/ sgo chen po bzhi kun ni tshong dus gcig la 'dus te/ phal mang po de rnams yid bzhin du 'jug go/ /
138a6 chos rnams kyi ro bro ba yang de dang mtshungs so/ /ya rabs tshangs par spyod pas gsol pa/ chos de lta bu lags na bdag gis chos gcig ro bro ba la gnas na/ chos so 'tshal gyi ro bro ba 'dus pa'i rigs so/ /sangs rgyas kyis gsungs pa/ de yin no/ /de yin no/ /
138a7 ji lta zhe na/ gcig gi yang dag pa'i gzhung gi ro ni mtsho chen po gcig dang mtshungs te/ thams cad mang po 'bab pa der mi 'jug pa med do/ /ya rabs chos so cog gi ro bro ba yang mang po 'bab pa de dang mtshungs so/ /ming grangs tha dad mod kyi chur mi tshugs pa med do/ /
iiif viewer powered by OpenSeadragon
Texts on this page
D135 - rdo rje'i ting nge 'dzin gyi chos kyi rnam grangs yi ge