| e-texts navigator |
| བོད་ཡིག |
137b1 med pa zhi bar gnas so/ /'byung yang mi 'byung / 'jug kyang mi 'jug ste/ phyi nang mnyam snyoms so/ /pho dge ba de bsam gtan de rnams kyis brtags na 'du shes kun thub ste/ mi g.yo ba med pas phan tshun med do/ /de ci'i phyir zhe na/ mi g.yo ba'i phyir
137b2 ro/ /mi g.yo ba spyad de mi g.yo ba'i yang dag pa la brtags na/ mi g.yo ba'i mtshan ma la rtogs pa mi mthong bas mtshan ma rnams stong zhing zhi'o/ /stong zhing zhi na mi g.yo ba'i gzhung yin no/ /de lta bu'i 'du shes bsam gtan thub pa yin te/ bsam gtan nyid
137b3 ma yin no/ /de ci'i phyir zhe na/ bsam gtan gyi ngo bo nyid g.yo ba'i rnam grangs dang bral te/ gos pa yang med/ bsgo ba yang med/ chos kyang med/ 'grib pa yang med de/ rnam par rtog pa'i rnams dang bral bas phyi mo'i gzhung gis gzhung bzhin no/ /pho dge ba
137b4 de lta bur rtogs te thub na/ gzod ming bsam gtan zhes bya'o/ /shA ri'i bus gsol pa/ bsam gyis mi khyab bo/ /yang dag par gshegs pas rtag par mi g.yo ba'i yang dag par spyod de/ sems can bstan pa de lta bu'i yang dag pa'i gzhung la yi ge'i 'bru mang la
137b5 gzhung gi rgya che ste/ rtsa ba rno ba'i sems can gyis gdod spyad nus kyi rtsa ba rtul ba'i sems can gyis yid gzhag dka'o/ /ji lta bu'i thabs kyis rtsa ba rtul ba de bden pa chud par bgyir rung / sangs rgyas kyis gsungs pa/ rtsa ba rtul ba de'i tshig bzhi le'u gcig mnos te
137b6 gzungs su 'dzin du bcug na yang dag pa'i bden par chud de/ sangs rgyas kyi chos so cog ni le'u gcig gi nang du 'dus so/ /shA ri'i bus gsol pa/ ji lta bur na tshig bzhi le'u gcig ces bgyi ba bshad par smon to/ /de nas btsun pas le'u bshad de gsungs
137b7 pa/ rgyu dang rkyen las skyes pa'i gzhung / /gzhung de yod med skye ba med/ /skye dang shi rnams gzhung med na/ /gzhung de skye ba shi ba med/ /de nas phal mang pos le'u bshad pa thos nas thams cad kun shin tu dga' ste/ kun skye shi med par byas pa thos nas shes rab kyis
iiif viewer powered by OpenSeadragon
Texts on this page
D135 - rdo rje'i ting nge 'dzin gyi chos kyi rnam grangs yi ge