| e-texts navigator |
| བོད་ཡིག |
136a1 chos thob par mi rung ba'i chos ni gzhung gcig la yi ge med do/ /yi ge'i mtshan ma med pa'i gzhung ni yang dag pa'i bden pa'i stong pa'i ngo bo nyid do/ /stong pa'i ngo bo nyid kyi gzhung ni yang dag pa'i bden pa mi g.yo ba yin no/ /yang dag pa'i mi g.yo
136a2 ba'i gzhung ni chos so cog ldan no/ /pho dge ba yang dag pa'i gzhung la 'dug pa ni sdug bsngal gsum gyi mtsho las 'das so/ /shA ri'i bus gsol pa/ chos so cog thams cad ni tshig kun dang yi ge lags so/ /tshig dang yi ge'i gzugs ni gzhung ma mchis pa lags so/ /
136a3 yang dag pa'i bden pa'i gzhung ni tshig gis bshad du mi rung na yang dag par gshegs par ji ltar chos bshad/ sangs rgyas kyis gsungs pa/ ngas chos bshad pa ni khyed sems can gyi rnams bshad pa'i khar lus pas na bshad du mi rung ba bshad do/ /de lta bas na
136a4 bshad ces bya'o/ /ngas bshad do cog ni gzhung gi tshig ste yi ge med do/ /sems can gyis bshad pa ni yi ge'i tshig ste gzhung med do/ /gzhung med pa'i tshig ni kun stong pa'o/ /med pa'i stong pa'i chos ni gzhung med pa'i tshig go/ /gzhung bzhin gyi tshig ni bden
136a5 pa'i stong pa ste mi stong pa'o/ /stong pa dang bden pa yang dag par med de/ mtshan ma gnyis dang bral la/ bar ma dang bar ma med pa yang med de/ bar ma med pa'i chos ni mtshan ma gsum dang bral te gnas kyang mi mthong ngo / /yang dag pa'i mi g.yo ba bzhin du bshad
136a6 do/ /mi g.yo ba la yod med kyang med do/ /med pa yang med do/ /mi g.yo ba la yod med med do/ /yod med dang yod pa dang med pa gnas med do/ /gnas med pa bshad pas na mi g.yo ba la gnas so/ /mi g.yo ba la yang mi g.yo ba med na mi g.yo ba med par ma bshad
136a7 do/ /shA ri'i bus gsol pa/ sems can thams cad dang log sred kyi gral gang la sogs par gnas na yang dag par gshegs pa dang / yang dag par gshegs pa'i bden pa'i mtshan ma phyin pa thob/ sangs rgyas kyis gsungs pa/ log sred kyi sems nas yang dag
iiif viewer powered by OpenSeadragon
Texts on this page
D135 - rdo rje'i ting nge 'dzin gyi chos kyi rnam grangs yi ge