rKTs

e-texts navigator

Volume

Page

134b₁ dge ba'i chos kyi tshul de lta bu spyod pas na gdod rig par nus so/ /mthu chen byang chub sems dpas gsol pa/ yang dag pa'i dbyings kyi tshor ba'i bsod pa las 'byung 'jug ma mchis na/ gang la sogs pa'i chos ni sems kyis yang dag pa'i dbyings su chud par rung / sangs
134b₂ rgyas kyis gsungs pa/ dbyings kyi chos ni dbyings med de dbyings med pa'i sems kyis na gdod/ yang dag pa'i dbyings su chud do/ /mthu chen byang chub sems dpas gsol pa/ dbyings med pa'i sems kyi ye shes ni 'gram med do/ /'gram med pa'i sems
134b₃ kyis sems rang dbang thob ste/ rang dbang gi ye shes kyis na yang dag pa'i dbyings su chud par rung ngo / /dper na mi tha mal pa sems zhan pa de lta bu'i sems la dbugs rgyu ba mang na chos gang spyad de thul na sran thub pa'i sems par bgyis la/ yang dag pa'i dbyings
134b₄ su chud par rung / sangs rgyas kyis gsungs pa/ byang chub sems dpa' de'i sems kyi dbugs ni phyi nang spyad pas mngags te/ mngags pa bzhin du 'bab cing rgyu bas thigs pas mtshor langs te/ gnam gyi rlung gis dba' bskyod pas klu chen po dngangs 'drogs so/ /
134b₅ dngangs 'drogs pa'i sems kyis na dbugs rgyu ba mang bar byas so/ /byang chub sems dpa' sems can des gsum ma nyams shing gcig bsrung bar byas na yang dag par gshegs pa'i bsam gtan du chud de/ bsam gtan gyi bsam gtan thub par spyad pas na/
134b₆ sems la dbugs med do/ /mthu chen byang chub sems dpas gsol pa/ ji lta bur na gsum ma nyams la gcig bsrungs na/ yang dag par gshegs pa'i bsam gtan du chud ces bgyi/ sangs rgyas kyis gsungs pa/ gsum ma nyams zhes bya ba ni grol thar
134b₇ gsum ma nyams pa gcig bsrungs pa ni sems mi g.yo ba gcig bsrung ngo / /yang dag par gshegs pa'i bsam gtan du chud ces bya ba ni gzhung la btags rtag pa de lta bu'i sems kyis ni yang dag pa'i dbyings su chud do/ /mthu chen byang chub sems dpas gsol

_{iiif viewer powered by OpenSeadragon}

134a - 135a

Texts on this page