| e-texts navigator |
| བོད་ཡིག |
129b1 rnam par shes pa yang de dang mtshungs te/ bsam gyis mi khyab bo/ /ji lta zhes bya na/ kha dog la gnas mal med pas gtsang gdang ste/ mthong ba med pas phyi logs su mi 'byung ngo / /sems la gnas mal med pas gtsang gdang ste/ 'gag pa med de ldang ba'i
129b2 gnas med do/ /rnam par shes pa la gnas mal med de/ gtsang dag pas g.yo ba med do/ /rkyen gyis dbye ba med na ngo bo nyid stong pa nyid mi g.yo ste/ ngo bo nyid la tshor ba med na tshor bas tshor ba med do/ /pho dge bas tshor bas tshor ba med par rig na/ rnam
129b3 par shes pa'i rnams zhu'o/ /de ci'i phyir zhe na/ rdo rje ye shes kyi sar chud do/ /grol thar gyi lam chad do/ /chad na chags pa med pa'i sar chud de 'byung 'jug med do/ /sems la 'dug pa med pa la gnas na yang dag par mi 'gyur ba'i ngo bo nyid kyis te/ sa ni
129b4 gtsang gdang ste/ bai dUr+ya gtsang ma dang mtshungs so/ /ngo bo nyid rnam par mnyam snyoms pa ni sa chen po dang mtshungs so/ /ye shes der chud pa ni sangs rgyas kyi sar chud pa yin no/ /ye shes kyi sar chud na rnam par shes pa rnams mi skye'o/ /chags med byang
129b5 chub sems dpas gsol pa/ yang dag par gshegs pas bshad do/ /'tshal ni tshor ba gcig gi 'phrul stobs te/ rgyal po chen po bzhi'i ye shes kyi sa'o/ /sems can thams cad kyi rtsa ba'i phan bsod do/ /ji lta zhes bgyis na/ sems can thams
129b6 cad kyi lus kyi nang na phyi mo nas su gang bar rgyas so/ /sangs rgyas kyis gsungs pa de yin no/ /ji lta zhe na/ sems can thams cad ni phyi mo nas zag pa med de/ dge ba rnams kyis phan pa'i phyi mo ni 'dod pa'i phan pa yod pa ni ma khums ma thul ba'i phyir
129b7 ro/ /chags med byang chub sems dpas gsol pa/ sems can la la phyi mo'i phan pa ma thob tshor zhing sdud pa ma mchis na ji ltar gdul dka' ba bas dbab cing gdul/ sangs rgyas kyis gsungs pa/ 'dug kyang rung / 'ba' zhig 'gro yang rung / rnam par rtog pa
iiif viewer powered by OpenSeadragon
Texts on this page
D135 - rdo rje'i ting nge 'dzin gyi chos kyi rnam grangs yi ge