rKTs

e-texts navigator

Volume

Page

127b₁ rung ba'i rnam par shes pa rnams kyang de dang mtshungs so/ /ji lta zhe na/ mig dang mig gi reg pa kun nas stong pa mi g.yo ba ste/ rnam par shes pa yang stong zhing mi g.yo'o/ /mi g.yo ba'i mtshan ma yang med/ nang logs na blangs pa gsum yang med de/ blangs pa gsum stong
127b₂ zhi'o/ rna ba dang / sna dang / lce dang / lus dang / sems yid dang / yid kyi rnam par shes pa dang / nga'i rnam par shes pa dang / kun gzhi'i rnam par shes pa dang / de dang mtshungs te stong pa zhi ba'i sems dang / skye ba med pa'i sems kun kyang mi skye'o/ /stong pa zhi ba'i sems
127b₃ dang / skye ba med pa'i sems skyes su zin na/ de ni skye ba spyod pa yod pa yin te skye ba spyod pa med pa ma yin no/ /nang logs su blangs pa gsum dang / spyod pa gsum dang / tshul khrims gsum skye bas stong zhing zhi ste ma skyes na sems mi skye zhing sems rtag par stong zhing zhi ste/
127b₄ don yang med spyod pa yang med sems stong zhing zhi ba'i mtshan ma yang mi rigs te/ reg pa med pa la mi chags so/ /gnas pa med par 'jug ste mtshan ma med pa'i don mdo bzung na gdod blangs pa gsum med de/ kun stong zhing gnas gtsang dag ste/ chags pa med nas
127b₅ ting nge 'dzin du yang mi 'jug / bsam gtan la yang mi 'jug /skye ba yang med/ spyod pa yang med do/ /sems kyi rgyal po byang chub sems dpas gsol pa/ bsam gtan gyis g.yo ba bsdu ba dang / sgyu ma 'khrugs pa rnams thub par nus na ci'i slad nas bsam
127b₆ gtan mi bgyid/ sangs rgyas kyis gsungs pa/ byang chub sems dpa'i bsam gtan ni g.yo ba yin no/ /mi g.yo na bsam gtan ma yin te/ skye ba med pa'i bsam gtan yin no/ /bsam gtan gyi ngo bo nyid skye ba med do/ /bsam gtan skye ba'i mtshan ma dang
127b₇ bral lo/ /bsam gtan gyi ngo bo nyid la chags pa med de/ bsam gtan g.yo ba'i chags pa dang bral na bsam gtan gyi ngo bo nyid la g.yo ba dang / mi g.yo ba med par rig pas skye ba med pa 'thob bo/ /skye ba med pa'i shes rab ni skye ba la yang mi gnas te/ sems kyang

_{iiif viewer powered by OpenSeadragon}

127a - 128a

Texts on this page