rKTs

e-texts navigator

Volume

Page

127a₁ phyi nas mi g.yo na spyod pa skye ba ma mchis so/ /spyod pa rnams mi skye na skye ba mi spyod pa mi skye'o/ /spyod pa med pa yang mi skye na gdod skye ba med do/ /sangs rgyas kyis gsungs pa/ pho dge ba khyod kyis skye ba med pa spyad na/ skye ba med pa spyad par rig gam/
127a₂ sems kyi rgyal po byang chub sems dpas gsol pa/ ma lags so/ /ji lta zhe na/ skye ba spyod pa ma mchis na/ ngo bo nyid kyi mtshan ma stong zhing mi g.yo ste/ mthong ba yang ma mchis/ thos pa yang ma ma mchis/ stor ba yang ma mchis/ btang ba yang ma mchis na/
127a₃ ji lta bur rig pa blang zhes bgyi/ rig tu lags na de ni rtsod cing brjod pa'o/ /rtsod pa ma mchis/ brjod pa ma mchis na/ gdod skye ba spyod pa ma mchis so/ /sangs rgyas kyis gsungs pa/ khyod kyis bla na med pa'i g.yung drung rdzogs pa'i byang chub thob bam/
127a₄ sems kyi rgyal po byang chub sems dpas gsol pa/ bdag gis bla na med pa'i g.yung drung rdzogs pa'i byang chub ma thob bo/ /ci'i phyir zhes bgyis na/ byang chub kyi ngo bo nyid kyi nang na thob pa yang ma mchis/ stor ba yang ma mchis/ tshor ba yang ma mchis/ shes pa yang
127a₅ ma mchis/ rnam par brtags pa yang ma mchis te/ rnam par brtags pa ma mchis pa'i nang na gtsang dag pa'i ngo bo nyid do/ /ngo bo nyid la ni bar chad kyang ma mchis/ 'dres pa yang ma mchis/ tshig gis bshad pa yang ma mchis/ yod pa yang ma ma mchis/ med pa
127a₆ yang ma mchis/ shes pa yang ma mchis/ mi shes pa yang ma mchis te/ spyad du rung ba'i chos rnams kyang ma mchis na/ de ci'i phyir zhes bgyis na chos spyod do cog gi gnas mal mi mthong ngo / /ngo bo nyid yang dag par mi 'gyur bas phyi mo nas thob pa dang / mi thob pa ma
127a₇ mchis na/ ji lta bur bla na med pa'i g.yung drung rdzogs pa'i byang chub thob bam zhes bgyi/ sangs rgyas kyis gsungs pa de yin no de yin no/ /khyod zer ba bzhin te/ sems kyi spyad pa thams cad ni mtshan ma med pa las mi 'da'o/ /ngo bo nyid stong pa ste skye ba med do/ /yod par

_{iiif viewer powered by OpenSeadragon}

126b - 127b

Texts on this page