rKTs

e-texts navigator

Volume

Page

125a₁ gnas shing rten pa yang med do/ /spyod pa'o cog la ma chags na/ sems rtag par stong zhing mi g.yo ste/ tha dad pa'i sems med do/ /dpe nam mkha' dang mtshungs te/ g.yo ba dang / 'dug pa med/ sdang ba med/ bya ba med/ phan tshun med de stong pa'i
125a₂ sems kyi mig thob/ stong pa'i chos kyi lus thob pas lnga phung dang zhugs pa drug kun stong zhing mi g.yo ba'o/ /pho dge ba stong pa'i chos spyod pa ni khams gsum la yang mi rten/ tshul khrims kyi mtshan ma la yang mi chags la/ gtsang dag la sems med pas bsdu ba yang med/ btang
125a₃ ba yang med de/ ngo bo nyid rdo rje dang mtshungs pas dkon mchog gsum mi zhig ste/ stong pa'i chos rnams mi g.yo bas pha rol tu phyin pa drug dang ldan no/ /grol thar byang chub sems dpas sangs rgyas la gsol pa/ btsun pa pha rol tu phyin pa drug ni kun kyang mtshan ma ma mchis pa
125a₄ lags na/ mtshan ma ma mchis pa'i chos kyis 'jig rten las phyin par nus lags sam/ sangs rgyas kyis gsungs pa/ pho dge ba ngas bshad pa'i pha rol tu phyin pa drug ni mtshan ma yang med/ bya ba yang med do/ /de ci'i phyir zhe na/ 'dod dang bral bar 'jug pa mkhas pas/
125a₅ sems rtag par gtsang dag ste/ bden pa'i tshig gis thabs spyad pas/ bdag la yang phan gzhan la yang phan te/ de ni sbyin pa'i pha rol tu phyin pa yin no/ /sems dag pa nas sran thub cing sems rtag par gnas pa med la/ gtsang gdang la gos pa med cing khams gsum la ma
125a₆ chags na de ni tshul khrims kyi pha rol tu phyin pa yin no/ /stong pa spyad de mdud pa bcad la yod pa rnams la mi rten na las gsum stong mi g.yo ste/ lus dang sems la yang mi chags na de ni bzod pa'i pha rol tu phyin pa yin no/ /ming gis bgrang ba yongs su bral la stong pa dang yod par mthong
125a₇ ba bcad de/ phung po'i stong par zab tu zhugs pa de ni brtson 'grus kyi pha rol tu phyin pa yin no/ /stong pa dang mi g.yo ba gnyis kha dog dang bral la stong pa'o cog la ma chags te/ sems 'dug pa med pa'i stong pa chen po la gnas pa de ni bsam gtan gyi pha rol tu phyin pa yin no/ /

_{iiif viewer powered by OpenSeadragon}

124b - 125b

Texts on this page