rKTs

e-texts navigator

Volume

Page

124a₁ bsal to/ /skye ba dang zhi bar cig car bsal na/ nga skye ba'i phyi mo mi skye ste sems rtag par stong zhing mi g.yo'o/ /stong zhing mi g.yo la chags pa med na sems la chags pa med de gdod skye ba med pa yin no/ /grol thar byang chub sems dpas yang sangs rgyas la
124a₂ gsol pa/ btsun pa sems la chags pa med na bslab cing sbyang ba ci mchis/ 'on kyang bslab pa ci mchis sam/ sangs rgyas kyis bka' stsal pa/ byang chub sems dpa' skye ba med pa'i sems las byung ba dang / 'jug pa'i sems med de phyi mo yang dag par gshegs pa'i
124a₃ mdzod de/ ngo bo nyid stong zhing mi g.yo bas bslab pa yod pa yang ma yin bslab pa med pa yang ma yin no/ /bslab pa yod pa dang / bslab pa med pa dang / med pa'ang med na de ni bslab pa yang med pa'o/ /bslab pa med pa yang ma yin pa de ni ming bslab pa'o/ /grol thar byang chub
124a₄ sems dpas sangs rgyas la gsol pa/ btsun pa ji lta bur na yang dag par gshegs pa'i mdzod kyi ngo bo nyid stong zhing mi g.yo ba zhes bgyi/ sangs rgyas kyis gsungs pa/ yang dag par gshegs pa'i mdzod ni ldang dub kyi sems kyi mdzod de/ ngo bo nyid stong pa ste mi g.yo ba'o/ /mtshan ma shes
124a₅ par bya na gzhung 'khyims te mi mngon no/ /yang dag par gshegs pa'i mdzod ni ngo bo nyid stong pa ste mi g.yo'o/ /grol thar byang chub sems dpas sangs rgyas la gsol pa/ btsun pa ci lta bur na ldang dub kyi sems kyis mtshan ma shes par rung / sangs rgyas kyis bka' stsal pa/ byang chub sems
124a₆ dpa' gzhung la ni rung ba dang mi rung ba yang med do/ /rung ba dang mi rung ba yang yod du zin ni sems so cog skyes nas stong zhing khri'i bsam pa g.yos te de ni ldang dub kyi gzugs yin no/ /byang chub sems dpas phyi mo'i ngo bo nyid kyi mtshan ma la brtags na gzhung rang gang rgyas so/ /stong bsams
124a₇ khri mnos kyang lam gyi gzhung la mi phan te/ g.yos shing dkrugs pas sems kyi phyi mo bdag po stor bar gyur to/ /bsam zhing mno ba med na ldang dub kyang mi skye ste yang dag pa bzhin du mi g.yo'o/ /rnam par shes pa rnams bde zhing stong na 'bab cing 'khor bar mi skye ste gtsang ma'i chos lnga

_{iiif viewer powered by OpenSeadragon}

123b - 124b

Texts on this page