rKTs

e-texts navigator

Volume

Page

123b₁ pa'o/ /stong pa mi g.yo ba'i sems kyis mod bzhin sems stong pa thob bo/ /pho dge ba mtshan ma med pa'i sems la ni sems kyang med/ nga yang med chos so cog gi mtshan ma ni de dang mtshungs so/ /grol thar byang chub sems dpas sangs rgyas la gsol pa/ btsun pa sems
123b₂ can thams cad la nga yod pa dang sems yod pa chos gang spyad pas tshor te/ sems can de dag bcings pa 'di las 'byung zhing 'bral bar bgyi/ sangs rgyas kyis gsungs pa/ skyes bu pho dge ba nga yod pa ni rgyu rkyen bcu gnyis la rtag tu bcug na/ rgyu rkyen bcu gnyis ni thog ma rgyu dang
123b₃ 'bras bu las byung ngo / /rgyu dang 'bras bu'i g.yo ba ni sems kyi spyod pa las langs te sems kyang med na lus med pa lta smos kyang ci dgos/ nga yod na ni mthong ba yod pa yang zhi bar bya'o/ /nga med na ni mthong ba med pa yang zhi bar bya'o/ /sems skyes na ni zhi ba'i rang bzhin yang zhi bar bya'o/ /
123b₄ sems zhi na ni skye ba'i rang bzhin yang zhi bar bya'o/ /mthong ba'i rang bzhin de zhi na gdod yang dag pa'i dbyings su zhugs so/ /de ci'i phyir zhe na/ phyi mo nas skye ba ma zhi'o/ /ma zhi ma skyes na mi skye mi zhi ste chos so cog kyang de bzhin no/ /grol thar byang chub sems dpas yang sangs
123b₅ rgyas la gsol pa/ btsun pa sems can la las chos skye bar mthong ba'i tshe mthong ba gang zhi bar bgyi/ sangs rgyas kyis bka' stsal pa/ btsun pa byang chub sems dpa' la las chos skye bar mthong ba yang zhi bar bya'o/ /chos zhi bar bya ba mthong ba yang zhi bar bya'o/ /
123b₆ mthong ba zhi na med pa yang dag pa'i chos thob ste/ mi 'gyur ba'i ngo bo nyid du zhugs nas mi 'gyur ba la skye ba med do/ /grol thar byang chub sems dpas sangs rgyas la gsol pa/ btsun pa sems can de dag gar skye ba ma mchis pa la gnas par bgyis na de de'i skye ba ma mchis
123b₇ pa lags sam/ sangs rgyas kyis bka' stsal pa/ skye ba med pa gnas pa nyid ni skye ba ma yin no/ /de ci'i phyir zhe na/ gnas pa yang med skye ba yang med na gdod skye ba med pa yin no/ /byang chub sems dpa' skye ba dang / skye ba med pa skye ba spyad pas skye ba'i sems

_{iiif viewer powered by OpenSeadragon}

123a - 124a

Texts on this page