rKTs

e-texts navigator

Volume

Page

123a₁ sangs rgyas la gsol pa/ btsun pa sangs rgyas 'das te gshegs pa'i slad na/ drang po'i chos ni 'jig rten nas 'das/ gzugs kyi ni chos 'jig rten na spyod de/ bskal pa tha ma'i tshe rnyog pa lnga'i sems can ngan pa'i las rnams mang pos khams gsum la 'khor lo bzhin
123a₂ du bskor te/ 'byung ba'i dus ma mchis pa'i tshe sangs rgyas byams pa'i thugs rjes sems can phyi ma'i slad du mi 'gyur ba yang dag pa'i bden pa'i chos kyi ro gcig pa bshad de/ sems can de dag la sogs pa 'thun par grol thar par bgyir smon to/ /sangs rgyas kyis gsungs pa/ pho
123a₃ skyes bu dge ba khyod nga la 'jig rten nas 'byung ba'i rgyu 'di 'dra ba mkhas te/ sems can la bstan la sems can de dag 'jig rten las byung ba'i 'bras bu thob par bya ba ni don chen po gcig yin te bsam gyis mi khyab bo/ /byams pa chen po spyad/ snying rje chen po spyad pa'i phyir ngas ma bshad na
123a₄ ser sna dang brkam pa'i nang du ltung ngo / /khyed la sogs pa sems gcig tu brtags par nyon cig dang khyod la dgrol zhing bshad do/ /skyes bu pho dge ba sems can la ston slob pas ston pa'i sems skye ba yang med/ mi ston pa'i sems skye ba yang med na de ni ston pa chen po zhes bya ste/ de ni sems
123a₅ can kun nga'i sems dang bral ba'o/ /nga'i sems thams cad phyi mo nas stong pa mi g.yo ba ste/ stong pa'i sems thob nas sems sgyu mar sprul pa med do/ /sgyu ma yang med do/ /sprul pa yang med na gdod skye ba med pa 'thob bo/ /skye ba med pa'i sems ni sprul pa med pa gnas so/ /grol thar byang
123a₆ chub sems dpas sangs rgyas la gsol pa/ btsun pa sems can gyi sems kyi ngo bo nyid phyi mo nas stong zhing mi g.yo'o/ /stong zhing mi g.yo ba'i sems ni yid la gzugs dang mtshan ma mchis na/ ji ltar spyad sbyangs na phyi mo'i sems stong pa thob par rung ba sangs rgyas kyi byams pa'i thugs
123a₇ dang bdag la dgrol zhing bshad par bstan to/ /sangs rgyas kyis gsungs pa/ byang chub sems dpa' sems so cog gi mtshan ma ni phyi mo nas phyi mo med do/ /phyi mo nas phyi mo'i gnas med de stong zhing mi g.yo la skye ba med do/ /sems la skye ba med na gdod stong pa mi g.yo bar zhugs

_{iiif viewer powered by OpenSeadragon}

122b - 123b

Texts on this page