| e-texts navigator |
| བོད་ཡིག |
209a1 gcig bskyed pa las kha na ma tho ba che ba'i chos de lta bu gcig kyang ma mthong ngo / /'jam dpal rigs kyi bu'am/ rigs kyi bu mo gang la las stong gsum gyi stong chen po'i 'jig rten gyi khams kyi sems can thams cad la mtshon gyis btab bam/ dbyug
209a2 pas brdegs pa bas rigs kyi bu'am/ rigs kyi bu mo gzhan gang gis theg pa chen po la mos pa'i byang chub sems dpa' la tha na gnod sems sam/ tha ba'am/ zhe sdang gi sems gcig bskyed dam/ khros te brnyas pa'i sems bskyed na de de bas sdig pa ches mang du
209a3 skyed do/ /'jam dpal byang chub sems dpas byang chub sems dpa' la khong khro ba'i sems bskyed pa'am/ brnyas pa'i sems bskyed pa ji tsam pa de snyed kyi bskal par byang chub sems dpa' des sems can dmyal ba rnams su gnas par go cha bgo bar bya'o/ /'jam
209a4 dpal byang chub sems dpa' la skur pa btab pa ma gtogs par/ byang chub sems dpa' las gzhan gang gis kyang log par ltung bar byed mi nus so/ /'jam dpal 'di lta ste dper na nor bu rin po che rdo rje ni rdo rje nyid ma gtogs par shing ngam/ bong ba'am/ dbyug pa'am/
209a5 rdo ba'am/ mtshon chas gcag par mi nus so/ /'jam dpal de bzhin du byang chub sems dpa' yang byang chub sems dpa' la skur pa btab pa ma gtogs par las gzhan gyis log par ltung bar byed mi nus so/ /'jam dpal rigs kyi bu'am/ rigs kyi bu mo gang la
209a6 las lha'i bskal pa bye bar phyogs bcu'i 'jig rten gyi khams re rer 'khor bzhi la ci 'dod pa sbyin pa byin pa bas rigs kyi bu'am/ rigs kyi bu mo gang gzhan gyis/ 'thun par bya ba'i don du g.yos de bzhin gshegs pa ni rtag pa'o/ /de bzhin gshegs pa ni
209a7 g.yung drung ngo zhes tshig tu smra na yang de de bas ches bsod nams grangs med par skyed do/ /'jam dpal byang chub sems dpa' gang la las lha'i lo stong du dkon mchog gsum la ci dgos pa byin pa bas/ byang chub sems dpa' gang gzhan zhig tha na se gol
iiif viewer powered by OpenSeadragon
Texts on this page
D129 - 'phags pa rab tu zhi ba rnam par nges pa'i cho 'phrul gyi ting nge 'dzin zhes bya ba theg pa chen po'i mdo