rKTs

e-texts navigator

Volume

Page

208b₁ byang chub sems dpa' la/ /gnod par mi byed rab bsdams dang / /gang zhig chos dang ldan pa yi/ /chos smra de dag srung byed pa/ /ngan 'gro rnams ni kun spangs nas/ /brgya byin rdzu 'phrul chen por 'gyur/ /tshangs pa 'thab bral dga' ldan dang / /dbang byed par yang de 'gyur ro/ /
208b₂ gal te mir ni gyur na yang / /rtag tu 'khor los sgyur bar 'gyur/ /tshong dpon dang ni khyim bdag 'gyur/ /rtag tu skyid cing nor cher 'gyur/ /ji ltar gang gA'i bye snyed kyi/ /bskal pa de snyed rtag tu yang / /'jigs med dran pa phun sum tshogs/ /bde dang ldan zhing gnod pa
208b₃ med/ /tshe rabs tshe rabs phyi phyir zhing / /rtag tu sangs rgyas mchod par 'gyur/ /blo ldan gang zhig sangs rgyas la/ /bskal pa de snyed mchod pa bas/ /phyi dus chos ni 'jig pa na/ /gang dag mdo sde 'di 'dzin pa/ /chos gang 'jig rten mgon po yis/ /bstan pa'i mdo sde
208b₄ 'di la des/ /nyin zhag gcig tu bzung ba yi/ /de ni bsod nams khyad par 'phags/ /phyogs bcu'i sangs rgyas gang bzhugs pa/ /de dag kun la mchod par 'gyur/ /mdo sde 'di 'dra 'dzin pa ni/ /gang dag ma 'ongs sangs rgyas dang / /'das pa'i sangs rgyas gang dag
208b₅ dang / /de dag de yis mchod par 'gyur/ /'jam dpal byang chub sems dpa' gang la la zhig rab tu zhi ba rnam par nges pa'i cho 'phrul gyi ting nge 'dzin la mos pa'i byang chub sems dpa' la gnod sems dang / tha ba dang khro ba skyed dam/ 'dum par mi byed dam/ brnyas
208b₆ thabs gang yang rung bas brnyas te/ ngan pa'i rigs su skyes pa zhe'am/ rnyed pa chung ba zhe'am/ yid gzhungs pa chung ba zhe'am/ shes rab chung ba zhes brnyas sam ci yang rung ste/ tshul khrims kyi yan lag nyams pa zhe'am/ mdog ngan pa zhe'am/ gzugs dang mi
208b₇ ldan pa zhe'am/ gzi brjid chung ba zhes brnyas sam/ tha na yud tsam zhig khros te lta na yang de mi dge ba'i las des bskal pa bye ba grangs med pa tshang bar ngan song rnams su sreg par 'gyur ro/ /'jam dpal ngas ni ji ltar byang chub sems dpa' la khong khro ba'i sems

_{iiif viewer powered by OpenSeadragon}

208a - 209a

Texts on this page