rKTs

e-texts navigator

Volume

Page

208a₁ bsngags pa'i phreng ba yi/ /mtha' ma brjod par mi nus so/ /mdo sde yon tan gang brjod pa/ /de dag thams cad de dang ldan/ /de bas rab tu lhag yod de/ /de yi yon tan mtha' thug med/ /mi gang de la dga' bar mi byed cing / /yod pa min dang
208a₂ bsngags pa mi smra dang / /mi gang khros nas mi snyan smra ba 'am/ /yang na de la 'khrugs pa byed pa dag /sems can dmyal bar skye 'gyur te/ /lus ni chen por gyur nas su/ /de ni sdug bsngal myong 'gyur te/ /yid rab mi bde ma rung 'gyur/ /dpag tshad lnga brgya'i tshad
208a₃ tsam du/ /de yi lus ni skye bar 'gyur/ /sdig pa'i las kyis rtag tu yang / /bye bas bskor nas za bar 'gyur/ /bskal pa dag ni du mar yang / /lus ni dpag tshad lnga brgyar 'gyur/ /de la mgo yang lnga brgya ste/ /de las nyung bar mi 'gyur ro/ /mgo rnams re re dag la yang / /lnga
208a₄ brgya'i lce las mi nyung ste/ /lce gcig la yang thong gshol ni/ /lnga brgyar tshang ste mi nyung ba/ /'bar bas de la rmo byed de/ /skur 'debs sdig pa'i las kyis so/ /tshig rtsub dag ni smras pas na/ /shin tu tsha bar sreg par 'gyur/ /gang dag sdom par mi byed cing / /byang chub sems
208a₅ dpa' gnod byed pa/ /de ni sems can dmyal skye ste/ /dud 'gro'i skye gnas 'gro bar 'gyur/ /tshul 'di spong bar byed pa ni/ /bskal pa bye ba stong rnams dang / /brgya dang khrag khrig rnams su yang / /mnar med par ni sdug bsngal rnyed/ /de nas shi 'phos rab gdug cing / /shin
208a₆ tu mi bzad sbrul du 'gyur/ /bkres shing skom pas mngon gzir kyang / /shin tu mi bzad las rnams byed/ /bza' ba rnyed kyang sdig pa yis/ /nam yang tshim par mi 'gyur ro/ /gal te de nas shi 'phos nas/ /mi yi nang du skye na yang / /yid mi gzhungs shing dmus long 'gyur/ /
208a₇ gnod par sems shing sdom pa med/ /nyes pa'i tshig rnams smras nas ni/ /'phags pa mnyes par mi byed pa/ /mi yi nang nas shi 'phos nas/ /slar yang ngan 'gror 'gro bar 'gyur/ /bskal pa bye ba stong rnams su/ /nam yang sangs rgyas mthong mi 'gyur/ /gang zhig

_{iiif viewer powered by OpenSeadragon}

207b - 208b

Texts on this page