e-texts navigator
Collection
Volume
Page
བོད་ཡིག

44b1 cod pan du yang 'os/ /cod pan la yang gdags pa yin/ /de bzhin kun gzhi rnam par shes/ /bag chags rnams kyis bcags brdungs pa/ /rnam dag sangs rgyas rigs yin te/ /sangs rgyas nyid du de gzung ngo / /ji ltar chu gting rdo ba dag /nya lcibs dag
44b2 gis yongs dkris pa/ /de bzhin kun gzhi rnam shes kyang / /bag chags dri ma can du byas/ /gzung dang 'dzin pa'i gzungs su yang / /dngos po gnyis kyis rab tu 'jug /ji ltar kha gnyis yod pa'i sbrul/ /gang du 'dod pa der 'gro ste/ /de bzhin kun gzhi
44b3 rnam par shes/ /rim dang cig car rgyu ba yin/ /rtag tu sna tshogs gzugs lta bu/ /de la rtog pas rnam par brtag /rtog can rnam par myos 'gyur ba/ /bdag dang bdag gir rnam rtog cing / /yod dang med kyi rgyu sdod pa'i/ /sa rnams la yang rnam rtog ste/ /'gyur
44b4 ba'i yongs su gyur pa dang / /kun gzhi zab pa nyid dag kyang / /blo chung rnams kyis mi rigs pas/ /sgyu ma'i bzhin du 'khor/ /rang bzhin gcig min shes par dka'/ /lus can kun la 'dra ba ste/ /de bzhin kun gzhi rnam shes kyang / /rtag tu sgyu
44b5 ma'i 'dra/ /sems can gcig min shes par dka'/ /yod dang med par rnam par brtags/ /rdul dang gtso bo skyes bu dang / /mi gsal tshangs pa'ang de yin te/ /rtog pas 'khrul pa'i rtog can rnams/ /kun gzhi la ni rtag tu rtog /sa rnams lta bur
44b6 gnas pa la/ /sna tshogs sar yang de bzhin rtog /sa la gang gis rtog gyur pa'i/ /yid ni kun nas rtog ces bya/ /ji ltar ri mo mtho dman dang / /rnam pa sna tshogs sprin gyi gzugs/ /'ja' dang sred byed dang / /sprin sgra 'brug kyang ji bzhin te/ /rab rib
44b7 can gyi phreng ba dang / /bzang mo'i gdong yang de bzhin du/ /rmi lam dag na rnam sna tshogs/ /dri za'i khang pa gnas rten dang / /ro langs chu yi shing rnams dang / /brag ca sprin dang du ba dang / /me long mig la gzugs brnyan dang / /chu la chu yi zla ba dang / /rnam rtog




iiif viewer powered by OpenSeadragon

44a - 45a

Texts on this page

D110 - 'phags pa rgyan stug po bkod pa zhes bya ba theg pa chen po'i mdo