rKTs

e-texts navigator

Volume

Page

42b₁ cad sa bon kun gzhi la/ /rnam par shes pa kun kyang gnas/ /rnam shes bdun po kun gzhi las/ /rab tu 'byung ngo phan tshun dang / /sems kyi rnams dang kun gzhi la/ /rtag med chad pa'ang med pa ste/ /sa rnams thams cad kun gzhi yin/ /bar snang rnam par gnas
42b₂ pa ste/ /gsum po 'dus pa'i rkyen byung ba/ /bdag dang dbang po dag las byung / /lus can rnams kyi rnam shes ni/ /yul rnams rnyed nas 'byung ba ste/ /'di ni rtog pa can gyi tshul/ /rgyu dang las kyi rgyus byung ba/ /dbang po sa rnams thams cad dang / /tshangs la sogs
42b₃ pa phyi rol dang / /de dag lha min las kyang min/ /rdul phran gyis kyang sa ma byas/ /sa rnams lta bur kun gzhi nyid/ /lta ba'i yul du g.yo ba yin/ /rkyen rnams kun gzhi ma byas te/ /rkyen gyis kun gzhi byas pa min/ /'di dag la ni gsum 'dus med/ /
42b₄ rnam shes 'on kyang 'khor ba ste/ /shel 'dra zla ba bzhin du yang / /rnam shes rnams dang lhan cig rgyu/ /bag chags byung ba'i rnam shes dang / /kun gzhi rtag tu 'grogs pa ni/ /zla ba spyang kis zin pa bzhin/ /rnam shes rnams dang lhan cig rgyu/ /bag chags de
42b₅ las langs pa yis/ /rgyas par byed do yang dang yang / /rgyas pa gzhan yang rgyas byed de/ /de la'ang gzhan gyis yang dang yang / /de ltar rab tu 'jug pa'i sems/ /mthong nas sems de rnam par ldog /mi brtan yul la kun nas 'brel/ /khab long rdo la
42b₆ lcags bzhin te/ /kun gyi gzhi la sems yod pa/ /zag bcas zag pa med pa dag /bag chags dag gis bsgos pa'i rnams/ /'jug dang phyir ldog byed pa yin/ /ji ltar bsreg las me bus shing / /gzhan du me yang rab tu bud/ /de dang gzhan du de
42b₇ bzhin bud/ /de dag nas kyang spo bzhin dang / /de ltar kun gzhi rnam shes dang / /gzhan yang de las byung ba rnams/ /chos la rab tu rgyu ba ni/ /gtogs dang zag pa med pa dag /mthong ba'i chos la gnas pa yi/ /yul dang yul can de yin te/ /'phags

_{iiif viewer powered by OpenSeadragon}

42a - 43a

Texts on this page