rKTs

e-texts navigator

Volume

Page

42a₁ ma yin pa'i/ /sgyu ma'i byas pa bzhin/ /de ltar dngos po thams cad kyang / /rnam par rtog pas rnam par brtags/ /rtog par mi rung mi gcig gzugs/ /kun tu brtags pa'i rang bzhin no/ /sna tshogs nor bu 'dra ba yi/ /
42a₂ rdzas kyi rgyu tshogs nas/ /sgyu ma'i mkhan pos rnam byas dang / /sems can kun gyi gzugs bzhin te/ /de ltar dngos po 'di dag kun/ /rnam par rtogs pas rnam par brtags/ /rang bzhin rtogs par dka' ba ste/ /kun tu brtags pa'i rang bzhin no/ /ji
42a₃ ltar nor bu sna tshogs gzugs/ /tshon dang phrad na rnam par mdzes/ /de bzhin sa rnams kun ka ste/ /rtog pas rnam par brtags byas na/ /yon tan dngos su mi gnas te/ /sgyu ma rmi lam sprin dang 'dra/ /smig rgyu chu zla lta bu ste/ /kun tu brtags pa'i rang bzhin
42a₄ no/ /ji ltar dri za'i khang pa dag /khang pa ma yin khang par snang / /rgyu med par yang mi snang ste/ /de bzhin sa rnams sna tshogs nyid/ /nyi zla gzhal yas khang rnams dang / /tha mal ri dang rin chen ri/ /du ba sprin gyi gnod pas ni/ /nams kyang nyes par mi
42a₅ 'gyur te/ /bdag dang gzhan dang gnyis ka las/ /rtog pas rnam par brtag byas na/ /dngos nyid mi 'grub dngos rnams kyi/ /rang bzhin kun tu brtag pa'o/ /rgyu las dngos po mi 'byung ste/ /rgyu med las kyang ma yin no/ /rang bzhin zhes bya rnam rtog
42a₆ ste/ /dngos dang dngos med rnam par brtags/ /mtshan ma la ni ming rten te/ /gnyis la rnam par rtog pa gnas/ /yang dag shes dang de bzhin nyid/ /rnam par rtog pa zlog pa'o/ /sems ni mtshan ma 'dra ba ste/ /mtshan ma yid la gnas pa yin/ /yid la
42a₇ sems rnams lnga po ni/ /dba' rlabs bzhin du rab tu 'byung / /sems ni bag chags rgyu ba ste/ /bag chags rnams la thog ma med/ /thog ma med pa'i blo yi yul/ /yul ni sems kyi nor ba'o/ /sems ni yul dang 'dra ba ste/ /sa rnams yul zhes bya ba yin/ /thams

_{iiif viewer powered by OpenSeadragon}

41b - 42b

Texts on this page