| e-texts navigator |
| བོད་ཡིག |
40a1 rnam mi brtag / de bzhin sa 'di thams cad kyang / /mtshan ma med par yod pa min/ /ci yang mtshan mar mi rtog pa/ /mtshan ma yod na rnam par brtag /rdza dang snam bu shing rta dag /gzugs yod pa la rnam par brjod/ /'jig rten 'di ni
40a2 'di tsam ste/ /gzugs tsam rnam pa gzhan mi 'gyur/ /tsam la ming du brtags pa ste/ /'di la yang dag ming yod min/ /ming med rnam par bral bar yang / /sa rnams thub pas mthong ba na/ /rnam par rtog pa rab tu 'jug /rnam rtog med pa mi skye'o/ /
40a3 tsher skye med pa gzhan gyur pa/ /mi zad de la skye bar 'gyur/ /rgyu med phyir na ming med de/ /'du shes tsam la rnam par rtog /de bas rgyal pos rtag par yang / /'du shes ma yin 'du shes sgoms/ /'di dag thams cad 'di tsam ste/ /thams cad las ni
40a4 gzhan med do/ /tsam ni gzugs su shes par bya/ /de bzhin lus dang gzugs dang dbyibs/ /cha lugs ring dang sku yangs te/ /mtshan ma dang ni rnam grangs gcig /'du shes ming dang rnam rtog dang / /brjod dang khyad par lhan cig ste/ /tsam dang mtshan ma 'du
40a5 shes su/ /spyod par rab tu gdags pa ste/ /tsam la gnas de ming rnams kyang / /kun rdzob don du rnam par brtags/ /brjod pa med par dngos po ni/ /ma byung 'byung bar mi 'gyur te/ /rnam shes rnams kyi 'byung ba yang / /rtog bya med par yod pa min/ /rtog
40a6 bya ming dang tsam po ni/ /sa rnams thams cad de nyid de/ /dngos po gang la gang ming gis/ /brtag par bya ba de bzhin med/ /'di ni chos rnams chos nyid de/ /brtags na gnas pa med pa'o/ /'di dag thams cad ming tsam ste/ /'du shes can gyi dngos po med/ /
40a7 de med pas na ming med de/ /ming med pas na rnam mi brtag /rnam par mi rtog zhir 'gyur ba/ /bsreg pa tshig pa'i me bzhin te/ /khur tsas ji ltar khur bskur ba/ /de dang tha dad mtshan can te/ /de bzhin tsam ni ming gi khur/ /de dang tha dad mtshan nyid khyer/ /
iiif viewer powered by OpenSeadragon
Texts on this page
D110 - 'phags pa rgyan stug po bkod pa zhes bya ba theg pa chen po'i mdo