| e-texts navigator |
| བོད་ཡིག |
35a1 gcig cig snyam/ /de tshe sku ru zhugs par gyur/ /'gro ba rnams kyang skur zhugs nas/ /thub pa'i pad mo'i snying po yis/ /sangs rgyas rnams kyi longs spyod dang / /khams gsum kun na gnas par yang / /gang tshe mthong ba de dus na/ /kye ma
35a2 mtshar ches bsam pa dang / /de tshe thub pa lha yi lhas/ /rnal 'byor yul ni rab bsdus te/ /thub pas sngon bzhin bzhag par gyur/ /kye ma bsam yas lha rdzas 'di/ /rnal 'byor can gyi sna tshogs gzugs/ /sangs rgyas lha yi yul yin te/ /bsam gyis mi
35a3 khyab bdag gis mthong / /chos kyi sprin gyi ting 'dzin dang / /dga' dang mi g.yo de bzhin te/ /ring song mngon du gyur pa dang / /'od byed pa yi ma lus par/ /sgyu ma dpa' bar 'gro la sogs/ /gzi brjid can yang ma lus par/ /gzugs rnams kyi yang yul yin te/ /
35a4 'og min thabs las byung ba'o/ /de ni yid bzhin 'gyur sku yis/ /dbang gi yon tan brgyad po rnams/ /phra tshogs che ba'i yon tan dang / /'thob dang 'dod 'byor bsgrags pa dang / /bdag po dbang dang ldan pa dang / /ji ltar 'dod par rung ba'i rnams/ /thob nas stug po'i
35a5 dbus yul na/ /rnam par gnas shing rab tu rtse/ /sprul pa'i lha rdzas stug po nas/ /phyin pa dge ba de dag kyang / /lhun gyis grub pa sangs rgyas kyi/ /'phrul pa rnams ni rab tu 'byed/ /rgyal ba rnams dang rgyal sras su/ /thabs cig bzhugs par kun na snang / /de
35a6 ltar sa 'di sna tshogs te/ /rang gi gzugs ldan rnams kyang 'dres/ /cha las phyir ldog de yi tshe/ /bya ba byas pas stug po'i gzhi/ /shes pas bcad cing mkhas pa'i rnams/ /thub pa dag gis stug po mthong / /gzhal med pad mo 'dra ba na/ /me ltar rab tu 'bar ba
35a7 yin/ /thub pa rnal 'byor bde mos pa/ /rnal 'byor can dang lhan cig gnas/ /dpal be'u mtshan dang thams cad ldan/ /phra ba'i lus can rang gi 'od/ /de dag dbus su thub pa'i dbang / /khyod ni gnas par rab tu 'gyur/ /ltos shig lha yi cod pan dang / /dru ma
iiif viewer powered by OpenSeadragon
Texts on this page
D110 - 'phags pa rgyan stug po bkod pa zhes bya ba theg pa chen po'i mdo