| e-texts navigator |
| བོད་ཡིག |
32b1 sna tshogs de dag ni/ /rtog pa can gyis mi rig go/ /'gro ba'i ris kyi dngos po dag /rnal 'byor spyod pas rnam par gzhig /sbyar zhing rnal 'byor de la zhugs/ /las dang las min ma sems par/ /ris su 'gro ba'i dngos po yis/ /zla ba nyi ma rnam mdzes pa/ /
32b2 rlung gis shin tu bskyod nas kyang / /mkha' la rten pa med par 'gro/ /shin tu phra zhing shes dka'i las/ /stug por gnas par rab tu mthong / /las de ci zhig yod par 'gyur/ /zhugs brtson rnal 'byor can dag la/ /ji ltar me ni shing gi ri/ /thal bar byed pa skad
32b3 cig tu/ /rnal 'byor can gyi thams cad las/ /ye shes mes tshig skad cig tu/ /las dang bag chags lhan cig tu/ /mang po'i dus nas bsags pa dag /rnal 'byor ye shes bag chags kyis/ /thams cad zhig byed skad cig tu/ /ji ltar sgron mas mun pa'i
32b4 tshogs/ /skad cig tu ni bsal byed pa/ /ye shes sgron mas thub pa de/ /mi shes rnam par sel bar bya/ /rgyan stug po theg pa chen po'i mdo las bdag gi las kyi bya ba spyad pa zhes bya ba ste/ le'u lnga pa'o// //bam po gsum pa/ 'jim pa
32b5 rtswa smig thag pa las/ /ji ltar gnas pa'i khyim gyi rnams/ /phan tshun kun nas 'dus 'byor cing / /sa yi dbus na snang ba ni/ /re re la yang khyim med de/ /rdzas dang dngos la rnam brtags na/ /rdzas kyi rnam pa 'dus pa la/ /khyim zhes gdags shing brjod pa ste/ /
32b6 sor mo phan tshun kun 'dus na/ /ji ltar lag pa'i phug ron du/ /lag pa gnyis ni bsdus las 'gyur/ /tha dad pa las mi 'byung ngo / /g.yul dang shing rta bsnyems bral khang / /grong khyer nags tshal de bzhin te/ /ri dang sprin dang dba' rlabs kyang / /brag ca
32b7 glog dang 'dra ba'o/ /smig sgyu chu zla sgyu 'dra ba/ /snam bu rdza sogs grags pa ste/ /mkhas la dngos po thams cad kyang / /rmi lam 'dra bar kun tu snang / /de bzhin lus khyim sna tshogs pa/ /bus pa'i lam rgyud dog pa na/ /khams kyis ri bzhin gyur pa ste/ /khyim
iiif viewer powered by OpenSeadragon
Texts on this page
D110 - 'phags pa rgyan stug po bkod pa zhes bya ba theg pa chen po'i mdo