| e-texts navigator |
| བོད་ཡིག |
31b1 nyan thos rdzu 'phrul chen po dang / /thams cad kyi ni rnal 'byor 'di/ /gang 'byung 'byung ba rnams kyi ste/ /pad mo'i gnas su brten bcas te/ /skyil mo krung du mnyam bzhag cing / /rtag tu rnal 'byor sbyang bar gyis/ /'dod dang bde las rnam par dben/ /dbang po dbang
31b2 po'i don gyi rnams/ /thams cad las kyang phyir bzlog cing / /lcags kyus glang po ji bzhin du/ /sems ni mnyam par bzhag par gyis/ /'jig rten 'jig rten 'das bsam gtan/ /gang yang de bzhin gshegs pa'i dge/ /'dod dang dga' ba dben la sogs/ /
31b3 yang na thams cad bsgrags pa dang / /khyad par du yang gzugs med dang / /'du shes med pa'i bsam gtan rnams/ /nam mkha' rnam shes mtha' yas dang / /'du shes yod min med min rnams/ /nyi ma dang ni zla ba'i dbyibs/ /pad mo dang ni 'od 'dra zhing / /nam
31b4 mkha' ri mo me 'dra bar/ /rnal 'byor zhugs pas rab tu mthong / /'di dag thams cad spangs nas su/ /snang ba med par rab tu gnas/ /gang tshe mtshan med rnal 'byor can/ /rnam par mi rtog chags med na/ /sangs rgyas bye ba rnams kyang mthong / /zhing dang zhing na
31b5 mnyam bzhag pa/ /de dag phyag gis dbang bskur bar/ /de yi spyi bor dbang bskur te/ /sangs rgyas sa la zhugs pa dang / /sna tshogs gzugs ni rab tu 'byung / /sna tshogs tshul gyi dngos thob nas/ /kun mkhyen thams cad rig par 'gyur/ /stobs dang mngon shes dbang yang
31b6 'thob/ /gzungs dang thams cad ting nge 'dzin/ /thams cad kyi ni 'byung gnas 'gyur/ /thub pa rnal 'byor skyed pa'i yang / /gzugs ni rdul du rnam gzhigs shing / /mchog rdul yan chad nyin dben phyir/ /yod las med par 'gyur ba ste/ /bong bus ba lang rwa mthong bzhin/ /
31b7 cha shas med phyir cha shas can/ /phung po las ni phung can med/ /de bas las kyi 'bras gyur pa/ /'di ni sgyu ma'i bus byas bzhin/ /'di na las med 'bras bu med/ /las kyi sgrub pa'ang yod pa min/ /'jig rten byed pas ma byas te/ /byed pa byed pa ma yin no/ /byed la
iiif viewer powered by OpenSeadragon
Texts on this page
D110 - 'phags pa rgyan stug po bkod pa zhes bya ba theg pa chen po'i mdo