| e-texts navigator |
| བོད་ཡིག |
30b1 med/ /rgyan dang nor bu dag kyang ngo / /yod dang med pa'i dngos po ltar/ /dbang po'i nyes pas mthong ba yin/ /de bzhin rtog can dbang gis 'di/ /bdag gi blo ni ji ltar gnas/ /tshangs la sogs pa'i gnas thug par/ /rtog pa med pas rab tu 'dzin/ /gang 'di
30b2 mang po snang ba dag / sna tshogs tshangs la sogs pa'i mtshan/ /sna tshogs thams cad bdag gi sems/ /rdza la sogs pa'i yon tan mtshan/ /nang du gyur pa'i gzugs rnams dang / /mtho ris gnas pa'i gnas rnams dang / /gang 'di phyi nang bya ba rnams/ /
30b3 thams cad sems las byung ba'o/ /rgyan stug rnal 'byor gang yin pa/ /de ni gud na yod pa min/ /rnal 'byor can gyi bsod nams kyis/ /zhugs pa 'di la bslab par gyis/ /dbang sgyur lha rdzas gnas dag dang / /yang na gzugs can rnams gnas dang / /'du
30b4 shes med pa'i gnas su 'am/ /'og ma yin pa'i gnas su yang / /cung zad med dang rnam shes dang / /'du shes yod pa ma yin dang / /sna tshogs kyi ni gnas dag tu/ /'dod chags kyi ni phyogs bshig na/ /khyod ni myur du der gnas pa/ /stug po rnal 'byor
30b5 can gnas su/ /rgyal ba'i sras kyis mdun byas te/ /stug po der ni 'gro bar gyis/ /rnal 'byor de la spyad par gyis/ /bdag gi gnyen gyis ci zhig bya/ /bdag gi gnyen ni rtag tu 'ching / /'khor ba'i lam rgyud rgyu yang yin/ /dbang po rnams ni g.yo ba ste/ /
30b6 bud med rnams la'ang blo 'khrul pas/ /khu chu khrag mnam mi zhim pa'i/ /'ji bar srin bu skyes gyur pa/ /dgu 'am bcu zhig pa dang yang / /khu chu smin nas mngon par skye/ /dbang po rnams kyis kun yog pa/ /srin bu g.yo ba ji bzhin te/ /rim pa de yi tshul gyis na/ /
30b7 ji srid sems can gnas bar du'o/ /lus can rnams kyi skye la ltos/ /tshe tsher de dag byung ba ste/ /pha dang ma ni stong dag dang / /bu dang chung ma brgya dag kyang / /thams cad gnas su rnyed pa ni/ /lus can skye la gnas pa'o/ /rmi lam dag na bu med pa'i/ /mo gsham bu
iiif viewer powered by OpenSeadragon
Texts on this page
D110 - 'phags pa rgyan stug po bkod pa zhes bya ba theg pa chen po'i mdo