| e-texts navigator |
| བོད་ཡིག |
30a1 'dod pa'i khams las 'das nas su/ /gzugs dang gzugs med 'du shes med/ /mun pa'i rgyu las rab 'das nas/ /stug po'i zhing ni rnam par mdzes/ /phyogs 'di mkha' las grub pa ste/ /rgyu can rnams kyi spyod yul min/ /yod dang
30a2 med pa'i phyogs dang bral/ /gcig dang gzhan pa spangs pa'o/ /gces pa dang ni rang bzhin min/ /'dod rgyal dang yang dbang po min/ /khyu mchog gi yang phyogs ma yin/ /de bzhin rig can gsum gyi yang / /rdul gyi rkyen las byung ma yin/ /sgra rnams kyis kyang
30a3 brjod du med/ /ngo bo nyid kyis bskyed pa min/ /'dod rgyal gyis kyang mi rnyed do/ /ma rig las dang sred pas min/ /mi shes las kyang smos pa min/ /khur khyer khur gyi yul yin te/ /'di ni sangs rgyas rnams kyi yul/ /lha rdzas de bzhin gshegs kyis mkhyen/ /
30a4 sa bcu dag tu rnam par sbyangs/ /rnal 'byor can gyi sna tshogs yul/ /don gyi dam pa ston pa'o/ /las ci las min gang zhes te/ /byis pa rnams ni myos par gyur/ /las dang las min bshad pa na/ /rnal 'byor can rnams bder gyur pa/ /sna tshogs snang ba rang
30a5 sems te/ /lus can rnams kyi bdag nyid gnyis/ /phyi dang nang dang thams cad du/ /gzung dang 'dzin pa lta bur gnas/ /sems kyis sems ni mthong yin yang / /khong du mi chud bus pa rnams/ /kha gnyis sems de lus can gyi/ /yin kyang shes par ma
30a6 gyur pa/ /bdag gi byed pa'ang de bzhin byed/ /yul lta bur yang rab tu snang / /rdza ma la sogs gzugs su gnas/ /rdza la sogs pa'ang yod pa min/ /'di yi don la thub pa dag /rnal 'byor nyam chung rnam par myos/ /rnal 'byor de yang mi rtogs pa/ /bdag
30a7 gi rnam rtog lam gnas pas/ /sems 'di gnyis ka'i bdag nyid de/ /me long zla ba bzhin du gnas/ /ji ltar rab rib rab rib can/ /skra tshogs ltos shig ltos shig kye/ /phan tshun dag tu ston mod kyi/ /bdag nyes dbang po zhan byung gi/ /'di na gang yang skra tshogs
iiif viewer powered by OpenSeadragon
Texts on this page
D110 - 'phags pa rgyan stug po bkod pa zhes bya ba theg pa chen po'i mdo