| e-texts navigator |
| བོད་ཡིག |
19a1 nyid kyis bshams pa'i longs spyod pa yi zhing gi me de dag / mtha' yas 'od kyi bde ba can na rgyal ba'i sras rnams lha rdzas 'od 'khor can/ /rnal 'byor yang dag nyid mos thub dbang khyu mchog bsam gtan bdud rtsi myong byed dang / /rnam
19a2 pa tha dad sna tshogs rin po che dag yal ga sbyangs pa'i nags tshal shing / /lha rdzas gser phye'i khams las bsags pa'i zhing gi mchog de shin tu rnam par mdzes/ /gser dang rin chen sna tshogs me tog pad mo de ni mchog tu rab tu brgyan/ /'di ni sangs rgyas
19a3 zhing gi gter yin dpe med de kun mi yang pad mo skyes/ /thub pa de la dad cing bsam gtan mkhas la sangs rgyas la ni rab tu mos/ /bdag gi ston pa la ni bdag bstan yid can pad mo dag las skye ba ste/ /sangs rgyas zhing gi mchog na gnas pa'i mi ni
19a4 bzang po'i mtshan gyis kun nas brgyan/ /dpe byad bzang po bcas pas rmad du 'bar ba'i lus can dpal gyi be'u dang bcas/ /yod dang med pa'i rnam rtog rtog pa med pas dri med rdzub pa dag go/ /de ltar 'di dag rnam par bstan nas rdo rje khyu mchog mthe bo tsam du gyur/
19a5 sro ma rdul phran shin tu phra ba'i skra yi brgya cha'i gzugs su'ang de bzhin gyur/ /la lar bde gshegs rang rgyal nyan thos gzugs dang de bzhin sna tshogs gzhan dag kyang / /gang dang gang la sems kyi spyod pa ji bzhin de 'dra'i gzugs kyi khyad par dag /rnal 'byor
19a6 mkhas pa rdo rje zhes byas tshad med gzugs kyi yul dag rnam par spangs/ /de skad bshad nas yang smras pa/ /sna tshogs gzugs can rgyal ba'i sras/ /sa rnams de bzhin dbang rnams dang / /ma nyams mngon par shes pa dang / /sgyu ma lta bu'i ting 'dzin dang / /
19a7 de ltar yid bzhin lus kyang ste/ /gzungs dang rdzu 'phrul rkang pa dang / /rnam thar tha dad yang dag rig /stobs dang 'jigs pa med pa dang / /phung po khams rnams zag med pa/ /'di dag gzhan du gyur nas 'thob/ /rtag pa'i sangs rgyas sa yang ngo / /chos
iiif viewer powered by OpenSeadragon
Texts on this page
D110 - 'phags pa rgyan stug po bkod pa zhes bya ba theg pa chen po'i mdo