| e-texts navigator |
| བོད་ཡིག |
284b1 sor mo'i phreng ba'i mdo dag dang / /lang kar gshegs pa'i mdo 'di las/ /ngas ni sha rnams rab tu bkag /sangs rgyas byang chub sems dpa' dang / /nyan thos rnams kyis smad pa dang / /ngo mi tsha bar za ba ni/ /rtag tu glen par skye bar 'gyur/ /
284b2 sngar yang mthong thos dogs pa yi/ /sha rnams thams cad spang bar bshad/ /rtog ge rnams kyis ma rtogs pas/ /de phyir sha zan gnas su skyes/ /ji ltar 'dod chags nyes pa yis/ /'phags pa'i rnam grol sgrib 'gyur zhing / /sha
284b3 chang sgog btsong la sogs pa'ang / /'phags pa'i lam gyi bar chad byed/ /ma 'ongs dus kyi skye bo dag /sha za gti mug smra ba rnams/ /sha ni sdig med rung bas na/ /sangs rgyas nged la gnang zhes zer/ /zas la sman sten 'du shes dang / /
284b4 de bzhin bu sha lta bur yang / /chos shes skyo ba bskyed nas ni/ /rnal 'byor can gyis bsod snyoms spyad/ /snying rje sems la gang gnas pa/ /yongs su skyo bar nga yis bshad/ /stag dang spyang ki gcan gzan rnams/ /rtag tu lhan cig
284b5 'grogs shing gnas/ /gal te sha rnams za byed na/ /sems can dag ni skrag 'gyur bas/ /de phyir rnal 'byor pa dag gis/ /snying rje'i sems kyis sha mi bza'/ /sha za snying rje shes rab med/ /rnam par grol la rgyab kyis phyogs/ /'phags pa'i
284b6 rgyal mtshan dag dang 'gal/ /de yi phyir na bza' mi rigs/ /bram ze'i rigs su skye bar 'gyur/ /gzhan yang rnal 'byor pa yi gnas/ /shes rab phyug po'i khyim du skye/ /'di ni sha spangs dbang gis so/ /'phags pa lang kar gshegs pa rin po che'i mdo las sangs rgyas
284b7 thams cad kyi gsung gi snying po'i le'u zhes bya ba rdzogs so/ / //dpal lha btsan po'i bka' lung gis rgya'i slob dpon wen hwi yis mdzad pa'i 'grel pa dang sbyar nas/ lo ts+tsha ba dge slong 'gos chos grub kyis bsgyur cing zhus// //
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u