| e-texts navigator |
| བོད་ཡིག |
283a1 med pa'i byang chub 'thob par 'gyur ro/ /chos ngan pa log par smra ba'i mu stegs can gang dag log par lta ba dang / rtag pa dang chad pa la mngon par zhen pa rnams kyis kyang sha 'tshal ba bkag ste sha 'tshal du mi gnang ba lags na/ de bzhin gshegs pa 'jig rten gyi mgon
283a2 po yang dag pa'i chos yongs su grub pas sha mi gsol ba lta ci smos/ bcom ldan 'das kyis bka' stsal pa/ blo gros chen po legs so legs so/ /de'i phyir shin tu legs par nyon la yid la zung shig dang ngas khyod la bshad do/ /blo gros chen pos bcom ldan 'das la gsol pa/ de bzhin
283a3 du 'tshal lo zhes bka' mnyan pa dang / bcom ldan 'das kyis bka' stsal pa/ blo gros chen po rgyu dang rkyen tshad med pa'i phyir sha rnams bza' bar mi bya ste/ 'on kyang 'dir khyod la mdo tsam zhig bshad par bya'o/ /'di lta ste/ srog chags rnams ni yun ring po nas phan tshun gyi rgyu rkyen gyis rtag par
283a4 gnyen du gyur te/ 'di ltar gnyen du gyur pa'i 'du shes kyi phyir sha rnams bza' bar mi bya'o/ /bong bu dang / dre'u dang / rnga mo dang / wa dang / khyi dang / glang dang / rta dang / mi dang / gcan gzan gyi sha la sogs pa ni shen pa dag 'dres par 'tshong bar byed pas de'i phyir sha bza' bar mi bya'o/ /sha ni khu
283a5 chu dang khrag las byung ba'i phyir sha bza' bar mi bya'o/ /sems can gyis de'i dri tshor na yang thams cad 'jigs shing skrag par 'gyur te/ shen pa dang / gdol pa la sogs pa bzhin du khyi rnams kyis mthong na yang de la sngang zhing 'jigs pas khyis zugs pa'i phyir sha bza' bar mi bya'o/ /gzhan yang
283a6 rnal 'byor pa rnams kyi byams pa'i sems skye bar mi byed pa'i phyir sha bza' bar mi rigs so/ /'phags pa ma yin pa'i skye bo dag brkam zhing dri mi zhim par 'gyur la snyan pa'i grags pa med pa'i phyir sha bza' bar mi bya'o/ /rig sngags rnams sgrub pa 'grub par mi 'gyur ba'i phyir sha bza' bar mi
283a7 bya'o/ /'di ltar srog gcod pa ni gzugs mthong ma thag tu mngon par chags pa'i sems skyed par byed pa'i phyir sha mi za'o/ /gang sha za ba de dag la ni lha rnams kyis spong bar byed pa'i phyir sha bza' bar mi bya'o/ /kha'i dri mi zhim par 'gyur ba'i phyir yang sha bza' bar mi bya'o/ /rmi lam ngan pa mang
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u