rKTs

e-texts navigator

Volume

Page

281a₁ chos thob gnas pa dang / /de bzhin gshegs mkhyen phun sum tshogs/ /dge slong mnyam pa nyid thob rnams/ /skad cig mar ni ji ltar mthong / /dri za sgyu ma la sogs pa'i/ /gzugs rnams skad cig yod ma yin/ /yang dag ma yin gzugs sogs la/ /yang dag
281a₂ nyid du lta bar byed/ /de nas byang chub sems dpa' blo gros chen pos yang bcom ldan 'das la 'di skad ces gsol to/ /bcom ldan 'das kyis ji skad du dgra bcom pa rnams kyang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes lung bstan pas byang
281a₃ chub sems dpa' rnams dang mtshungs shing bye brag ma mchis par 'gyur ro/ /gal te sems can rnams mya ngan las 'da' ba'i chos can lags na su zhig mngon par rdzogs par byang chub par 'gyur/ gzhan yang ji srid du de bzhin gshegs pa gang gi nub mo bla na med pa yang dag par rdzogs
281a₄ pa'i byang chub mngon par rdzogs par sangs rgyas pa nas gang gi nub mo yongs su mya ngan las 'das pa de'i bar du yi ge gcig kyang ma gsungs/ lan btab pa yang med ces bka' stsal/ gzhan yang de bzhin gshegs pa rnams ni rtag tu mnyam par bzhag pa'i phyir rtog pa yang med/ dpyod pa
281a₅ pa yang med do/ /sprul pa'i de bzhin gshegs pas sangs rgyas kyi mdzad pa dag sprul to/ /gzhan yang ci'i slad du rnam par shes pa rnams ni skad cig ma gcig nas gcig tu rnam par 'jig pa'i mtshan nyid do zhes gsungs/ /gzhan yang lag na rdo rje mthu bo che ni rtag tu 'brang zhing srung bar byed
281a₆ do/ /thog ma'i mthar mi 'dogs so zhes gsungs/ gzhan yang bdud dang / bdud kyi las dang / kha na ma tho ba rnams kyi rnam par smin pa dang / bram ze'i bu mo tsan tsa dang / mdzes ma kun du rgyu dang / lhung bzed stong par slar gshegs pa la sogs pa las kyi sgrib pa dag gda' na/ ci'i slad
281a₇ du bcom ldan 'das kyis rnam pa thams cad mkhyen pa'i ye shes brnyes kyang nongs pa rnams ma bral/ bcom ldan 'das kyis bka' stsal pa/ blo gros chen po de'i phyir legs par nyon la yid la zung shig dang ngas khyod la bshad do/ /blo gros chen pos bcom ldan 'das la gsol pa/ bcom

_{iiif viewer powered by OpenSeadragon}

280b - 281b

Texts on this page