rKTs

e-texts navigator

Volume

Page

280b₁ sems can thams cad la phan pa dang / bde ba'i phyir sbyin pa'i pha rol tu phyin pa skyed par byed do/ /sbyor ba mchog bskyed nas dmigs pa de nyid la rnam par rtog pa mi 'jug pa ni tshul khrims te/ de ni tshul khrims kyi pha rol tu phyin pa'o/ /de nyid rnam par rtog pa mi skye bar bzod cing gzung ba
280b₂ dang / 'dzin pa yongs su shes pa de ni bzod pa'i pha rol tu phyin pa/ gang gis nam gyi cha stod dang / cha smad la sbyor ba la brtson par byed cing rnal 'byor dang 'thun par rnam par rtog pa mi 'jug pa de ni brtson 'grus kyi pha rol tu phyin pa'o/ /rnam par rtog pa rab tu ldog cing nyan thos kyi mya ngan
280b₃ las 'das pa'i 'dzin par mi ltung ba de ni bsam gtan gyi pha rol tu phyin pa'o/ /de la rang gi sems kyi rnam par rtog pa dngos po med par shes rab kyis so sor brtags nas mtha' gnyis su ltung ba dang / sngon gyi lus gnas rab tu gyur pas rnam par mi 'jig pa dang / so so rang gis rig
280b₄ pa 'phags pa'i tshul thob pa de ni shes rab kyi pha rol tu phyin pa'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /stong pa mi rtag skad cig mar/ /byis pa rnams ni rnam par rtog /'bab chu mar me sa bon ltar/ /skad cig pa yi
280b₅ don du rtog / skad cig nyon mongs 'khrug pa zhi/ /rab tu dben pa byed pa spangs/ /chos rnams skye ba med pa ni/ /skad cig don du ngas bshad de/ /dngos po skyes nas 'jig par ni/ /byis pa rnams la mi 'chad do/ /bar chad med par rgyun chags dngos/ /rnam par rtog pas yongs su
280b₆ bsgos/ /ma rig pa ni rgyu byed de/ /sems ni de las rab tu 'byung / /ji srid gzugs dag ma skyes pa/ /de yi bar du phyogs ci yod/ /zhig par gyur ma thag tu ni/ /sems gzhan de yi rjes su skye/ /gzugs ni dus su mi gnas na/ /ci la dmigs te 'byung bar 'gyur/ /de dag las
280b₇ ni rab 'byung phyir/ /yang dag ma yin rgyu las skyes/ /ji ltar grub pa med pa des/ /skad cig 'jig par rab tu shes/ /rnal 'byor can gyi snyoms 'jug dang / /rdo rje sangs rgyas ring bsrel dang / /'od gsal gnas kyi gzhal med khang / /'jig rten mi 'jig dngos po'o/ /yang dag

_{iiif viewer powered by OpenSeadragon}

280a - 281a

Texts on this page