| e-texts navigator |
| བོད་ཡིག |
280a1 nam yang 'jig par mi 'gyur te/ blo gros chen po gal te mngon par rtogs pa thob pa skad cig pa yin na ni 'phags pa rnams 'phags pa ma yin par 'gyur ba zhig na/ 'phags pa rnams ni 'phags pa ma yin par mi 'gyur ro/ /dper na gser dang / rdo rje ni bskal pa srid
280a2 du mi 'bri na ci'i phyir byis pa so so'i skye bo nga'i ldem por dgongs te bshad pa la mi mkhas pa dag gis phyi nang gi chos thams cad la skad cig pa'i don du rtog / byang chub sems dpa' blo gros chen pos yang bcom ldan 'das la gsol pa/ bcom ldan 'das kyis ji skad du pha rol tu phyin pa drug
280a3 yongs su rdzogs par spyad na bla na med pa yang dag par rdzogs pa'i byang chub mngon par 'tshang rgya bar 'gyur ro zhes bka' stsal na/ drug po gang lags/ bcom ldan 'das kyis bka' stsal pa/ blo gros chen po pha rol tu phyin pa'i bye brag ni rnam pa gsum yod de/ 'di lta ste/ 'jig rten
280a4 pa dang / 'jig rten las 'das pa dang / 'jig rten las 'das pa'i mchog go/ /blo gros chen po de la 'jig rten pa'i pha rol tu phyin pa ni bdag dang bdag gir 'dzin pa la mngon par zhen cing mtha' gnyis su 'dzin pa/ skye ba'i gnas sna tshogs blang ba dang / gzugs dang / sgra dang / dri dang /
280a5 ro dang / reg bya la rab tu mos pa'i phyir sbyin pa'i pha rol tu phyin pa yongs su rdzogs par byed do/ /tshul khrims dang / bzod pa dang / brtson 'grus dang / bsam gtan dang / shes rab kyang de bzhin te byis pa so so'i skye bo'i mngon par shes pa yongs su 'grub pa dang / tshangs pa'i 'jig rten du
280a6 skye bar 'gyur ro/ /blo gros chen po 'jig rten las 'das pa'i pha rol tu phyin pa ni nyan thos dang / rang sangs rgyas rnams mya ngan las 'das pa'i 'dzin par lhung ba'i phyir pha rol tu phyin pa drug spyod cing rang gi mya ngan las 'das pa'i bde ba la mos pa'o/ /'jig rten las 'das pa'i mchog pha
280a7 rol tu phyin pa ni rang gi sems snang ba rnams rtog pa tsam du rtogs pa dang / rang gi sems gnyis su 'dzin pa'i phyir rnam par rtog pa mi skye ba dang / 'gro ba rnams len pa dang / skal ba mtshungs pa ma yin pa dang / rang gi sems dang / gzugs kyi mtshan nyid la mngon par ma chags pas
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u