rKTs

e-texts navigator

Volume

Page

279b₁ rnam par shes pa brgyad rnams so/ /brgyad gang zhe na/ 'di lta ste/ de bzhin gshegs pa'i snying po kun gzhi rnam par shes pa zhes bsgrags pa dang / sems dang / yid dang / yid kyi rnam par shes pa dang / rnam par shes pa lnga'i tshogs rnams te/ mu stegs can gyis brjod par bya ba ma yin
279b₂ no/ /blo gros chen po rnam par shes pa'i tshogs lnga ni sems dang / yid dang / yid kyi rnam par shes pa dang lhan cig pa/ dge ba dang / mi dge ba'i mtshan nyid phan tshun du rnam par 'byung zhing 'jig pa/ rgyud kyi rgyun gyis 'jug pas rnam par mi 'jig pa/ lus byung nas skye zhing 'jig par yang
279b₃ 'gyur ba'o/ /rang gi sems snang ba tsam du ma rtogs pa'i phyir 'gags ma thag tu rnam par shes pa gzhan 'byung ste/ dbyings kyi bye brag 'dzin pa'i yid kyi rnam par shes pa rnam par shes pa'i tshogs lnga dang ldan par 'byung zhing skad cig gi dus su yang mi gnas pa de ni skad cig ma zhes bya'o/ /blo gros
279b₄ chen po de la skad cig ma zhes bya ba ni kun gzhi rnam par shes pa zhes bsgrags pa de bzhin gshegs pa'i snying po yid dang lhan cig skyes pa'i rnam par shes pa'i bag chags kyis skad cig pa yin gyi/ zag pa med pa'i bag chags kyis skad cig pa ni ma yin no/ /byis pa so so'i skye bo rnams kyis
279b₅ rtogs par mi 'gyur te/ 'di ltar skad cig mar smra ba la mngon par zhen pa'i phyir chos thams cad skad cig pa dang / skad cig pa ma yin pa 'di mi rtogs so/ /de chad par lta ba'i phyir 'dus ma byas pa'i chos rnams kyang 'jig par byed do/ /blo gros chen po rnam par shes pa bdun po rnams ni
279b₆ 'khor bar 'jug pa ma yin te/ sdug bsngal dang bde ba yang mi myong la/ mya ngan las 'da' ba'i rgyu yang ma yin no/ /blo gros chen po de bzhin gshegs pa'i snying po ni sdug bsngal dang bde ba yang myong ste/ rgyu dang lhan cig tu 'jug cing ldog go/ /gnas pa'i sa gzhi dang / ma rig pa'i
279b₇ gnas kyis rab tu myos pas byis pa so so'i skye bo dag skad cig mar lta ba mi rtogs shing / rnam par rtog pas sems yongs su bsgos par gyur to/ /gzhan yang blo gros chen po dper na gser dang / rdo rje dang / de bzhin gshegs pa'i ring bsrel dang / khyad par thob pa'i ngo bo nyid ni

_{iiif viewer powered by OpenSeadragon}

279a - 280a

Texts on this page