| e-texts navigator |
| བོད་ཡིག |
277b1 las 'das pas dpe rnams kyis dper bya ba ma yin no/ /'di ltar byis pa so so'i skye bo rtag pa la mngon par zhen pa dang / mu stegs can gyi rnam par btags pa'i lta ba ngan pa 'phel nas 'khor ba la thug pa med par 'gyur ba dag 'khor bar 'gro ba'i 'khor lo la yongs su skyo bar bya ba dang /
277b2 brtson 'grus khyad par can rtsom du gzhug pa'i phyir de dag la 'di skad du de bzhin gshegs pa rnams ni mthong bar sla bas u dum bA ra'i me tog lta bu ma yin no zhes bstan te mthong bar dka' zhes rtsom pa gtong bar 'gyur ba'i phyir ro/ /res 'ga' ni 'dul ba'i skye bo rnams la gzigs nas
277b3 'di skad du de bzhin gshegs pa rnams ni shin tu mthong bar dka' bas u dum bA ra'i me tog bzhin no zhes bshad de/ u dum bA ra'i me tog ni sus kyang ma mthong mi mthong mthong bar mi 'gyur na/ de bzhin gshegs pa ni 'jig rten thams cad kyis mthong ste/ rang gi tshul rnam par
277b4 gzhag pa'i phyir 'di skad du de bzhin gshegs pa rnams 'byung ba u dum bA ra'i me tog bzhin no zhes bshad pa ni ma yin no/ /blo gros chen po rang gi tshul rnam par gzhag pa ni 'jig rten pa'i bsam pa las 'das pas byis pa so so'i skye bo de dag yid ches par mi 'gyur te/ so so rang gis
277b5 rig pa'i 'phags pa'i ye shes kyi spyod yul la ni dper bya ba med do/ /de kho na nyid kyi de bzhin gshegs pa ni sems dang yid dang / yid kyi rnam par shes pa las 'das pas mthong bar bya ba'i mtshan ma rnams kyis dpe byar mi rung ngo / /blo gros chen po 'on kyang ngas de bzhin gshegs pa rnams gang
277b6 gA'i klung gi bye ma dang mnyam mo zhes dpes bstan pa la nyes pa med de/ blo gros chen po dper na gang gA'i klung gi bye ma ni nya dang / rus sbal dang / shi shu mA ra dang / seng ge dang / glang po che dang / rta dang / mi dang / rnams kyis gtses shing dkrugs kyang bye ma de 'di snyam du 'di dag gis
277b7 bdag la gtses so zhes rnam par rtog par mi byed de/ rang bzhin gyis yongs su dag cing dri ma rnams kyis gos pa med pa'i phyir ro/ /de bzhin du de bzhin gshegs pa dgra bcom pa yang dag par rdzogs pa'i sangs rgyas kyi so so rang gis rig pa 'phags pa'i ye shes kyi gang gA'i klung chen po la yod
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u