rKTs

e-texts navigator

Volume

Page

276b₁ du brtags pa'i rang bzhin yin no/ /blo gros chen po rnam par rtog pa de la brten nas sems dang sems las byung ba'i chos ming dang lhan cig skye ste/ ji ltar nyi ma dang 'od zer lhan cig 'byung ba bzhin du sna tshogs kyi mtshan nyid so sor rnam par brtag cing / 'dzin par byed pa de ni gzhan
276b₂ gyi dbang gi rang bzhin zhes bya'o/ /blo gros chen po yang dag pa'i ye shes dang / de bzhin nyid ni mi 'jig pa'i phyir yongs su grub pa'i ngo bo nyid ces bya'o/ /gzhan yang blo gros chen po rang gi sems snang ba'i rnam par rtog pa la rnam pa brgyad du dbye ste/ 'di lta ste/ kun gzhi rnam
276b₃ par shes pa dang / yid dang yid kyi rnam par shes pa dang / rnam par shes pa'i tshogs lnga'o/ /de la rgyu mtshan ni yang dag pa ma yin pa'i mtshan nyid la kun du brtags pa'i phyir bdag dang bdag gir 'dzin pa gnyis 'gags na bdag med pa gnyis skye'o/ /de lta bas na blo gros chen po chos
276b₄ lnga po 'di'i nang du nyan thos dang / rang sangs rgyas dang / byang chub sems dpa' dang / de bzhin gshegs pa rnams kyi so so rang gis rig pa 'phags pa'i ye shes dang / sa rnams kyi mtshams sbyar ba dang / dang / sangs rgyas kyi chos thams cad kyang 'dus so/ /gzhan yang
276b₅ blo gros chen po chos lnga ni rgyu mtshan dang / ming dang / rnam par rtog pa dang / de bzhin nyid dang / yang dag pa'i ye shes so/ /blo gros chen po de la rgyu mtshan ni gnas pa dang / dbyibs kyi mtshan nyid dang / gzugs la sogs pa'i mtshan nyid du snang ba ni rgyu mtshan zhes bya'o/ /gang rgyu
276b₆ mtshan de nyid la bum pa zhes bya ba la sogs pa'i ming yod pas 'di ni de bzhin gyi gzhan du ma yin no zhes bya ba de ni ming zhes bya ba ste/ ming mang po btags nas rgyu mtshan rnams gsal bar byed pa'o/ /bum pa la sogs pa'i sems dang sems las byung ba'i chos de ni rnam par rtog pa zhes
276b₇ bya'o/ /ming de dang rgyu mtshan de dag mthar dmigs su med pa dang / thog ma dang / tha mar rig par bya ba med pa dang / chos rnams la phan tshun med pa dang / yang dag pa ma yin pa'i rnam par rtog pa dang bral ba ni de bzhin nyid ces bya'o/ /de kho na nyid yang dag par nges pa mthar thug par yang

_{iiif viewer powered by OpenSeadragon}

276a - 277a

Texts on this page