rKTs

e-texts navigator

Volume

Page

273b₁ bsngal zad par 'gyur ba khong du mi chud cing mya ngan las 'das pa rab tu mi rtogs lags so/ /bcom ldan 'das kyis bka' stsal pa/ legs so/ /de'i phyir legs par nyon cig dang khyod la bshad par bya'o/ /blo gros chen pos bcom ldan 'das la gsol pa/ de bzhin du 'tshal lo zhes
273b₂ bka' mnyan pa dang / bcom ldan 'das kyis blo gros chen po la 'di skad ces bka' stsal to/ /de bzhin gshegs pa'i snying po dge ba dang / mi dge ba'i rgyur gyur pa ni 'gro ba'i skye ba thams cad du khyab par byed pas gar mkhan bzhin du 'gro ba rnams rnam par 'gyur ba ston par byed pa/ bdag dang
273b₃ bdag gi spangs pa de khong du ma chud pa'i phyir gsum 'dus pa'i rkyen gyi sbyor ba las skye ba dang / mu stegs can rnams kyis khong du ma chud pas byed pa por mngon par zhen to/ /thog ma med pa'i dus nas rnam par spros pa'i gnas ngan len gyi bag chags kyis yongs su bsgos pa ni kun gzhi rnam par
273b₄ shes pa zhes bya ste/ ma rig pa gnas pa'i sa rnam par shes pa bdun dang lhan cig bskyed pa/ rgya mtsho'i rlabs bzhin du lus rtag tu skyed cing rgyun mi 'chad pa/ rtag pa dang mi rtag pa'i nyes pa dang bral ba/ bdag tu smra ba yongs su spangs pa/ rang bzhin gyis dri ma med pa/ mthar yongs su dag
273b₅ pa'o/ /de ma yin pa'i rnam par shes pa rnams skye ba dang / 'jig pa yod pa ste/ yid dang yid kyi rnam par shes pa la sogs pa skad cig bdun dang bcas pa yang dag pa ma yin pa yongs su rtog pa'i rgyus yul rnams kyi dbyibs dang gnas sna tshogs len pa/ ming dang rgyu mtshan la mngon par zhen
273b₆ pa/ rang gi sems snang ba'i gzugs kyi mtshan nyid khong du ma chud pa/ sdug bsngal dang bde ba ma rtogs pas rnam par grol ba'i gnas su phyin par mi 'gyur ba/ ming dang rgyu mtshan gyis kun nas dkris pa'i 'dod chags skye la 'dod chags skyes nas rgyu dang dmigs par byed de/ tshor ba'i dbang
273b₇ po de dag 'gags na rim gyis mi skye'o zhes gzhan du rang gi sems kyi rnam par rtog pas sdug bsngal dang / bde ba ma shes pas tshor ba dang / 'du shes 'gog pa'i snyoms par 'jug pa la snyoms par zhugs nas bsam gtan bzhi pa thob pa/ yang dag pa'i bden pa dang / rnam par grol

_{iiif viewer powered by OpenSeadragon}

273a - 274a

Texts on this page