rKTs

e-texts navigator

Volume

Page

272a₁ ldan 'das kyis don de nyid yang bstan pa'i phyir tshigs su bcad pa 'di dag gsungs so/ /sems tsam dang ni snang med dang / /gnas 'di dang ni sangs rgyas sa/ /'das dang ma 'ongs da ltar gyi/ /dus gsum sangs rgyas rnams kyis bshad/ /sems tsam sa ni bdun pa
272a₂ yin/ /snang ba med ni sa brgyad pa/ /sa gnyis dag ni gnas zhes bya/ /sangs rgyas sa ni mchog yin no/ /rang rig ye shes rnam par dag /de ni nga yi sa yin no/ /dbang phyug dang ni mchog gi gnas/ /rnam par brtag cing rab bkod pa/ /gsal byed 'bar ba'i me lta bur/ /'od zer
272a₃ kun du khyab par snang / /'od zer 'bar bas mig mi nyams/ /srid gsum kun du 'dul bar byed/ /sprul pas srid gsum gnas par ston/ /kha cig snga nas sprul pa ste/ /der ni theg pa rnams ston pa/ /thams cad de bzhin gshegs kyis/ /sa bcu de ni dang po yin/ /dang po pa ni
272a₄ brgyad pa yin/ /dgu pa yang ni bdun pa ste/ /bdun pa de yang brgyad pa yin/ /gnyis pa de ni gsum pa yin/ /bzhi pa yang ni lnga pa yin/ /gsum pa yang ni drug yin te/ /snang ba med la rim ci yod// //'phags pa lang kar gshegs pa rin po che'i mdo las/
272a₅ bam po brgyad pa ste tha ma/ de nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ni rtag pa zhig gam/ 'on te mi rtag pa zhig lags/ bcom ldan
272a₆ 'das kyis bka' stsal pa/ blo gros chen po de bzhin gshegs pa dgra bcom pa yang dag par rdzogs pa'i sangs rgyas ni rtag pa yang ma yin/ mi rtag pa yang ma yin te/ 'di ltar gnyi ga yang nyes pa yod pa'i phyir ro/ /gal te rtag par gyur na ni byed pa'i bdag po yod pa'i nyes par 'gyur ro/ /
272a₇ mu stegs can dag rtag pa ni byed pa pos byas pa ma yin pa'o zhes zer te/ de bas na de bzhin gshegs pa ni rtag kyang rtag pa ma yin te/ byas pa ma yin pa rtag pa'i nyes par 'gyur ba'i phyir ro/ /ci ste de bzhin gshegs pa mi rtag pa yin na ni byas pa yod pa'i mi rtag pa'i nyes par 'gyur te/

_{iiif viewer powered by OpenSeadragon}

271b - 272b

Texts on this page