rKTs

e-texts navigator

Volume

Page

271b₁ par dbye ba shes pas rnam par rtog pas mya ngan las 'das par 'du shes par mi 'gyur te/ de ltar mya ngan las 'das pa'i rnam par rtog pa mi skye ba'i phyir/ gzung ba dang / 'dzin pa'i rnam par rtog pa yongs su spong zhing / chos thams cad rang gi sems snang ba tsam du khong du chud pas rnam
271b₂ par rtog pa mi skye ste/ sems dang yid dang / yid kyi rnam par shes pa dang / phyi rol gyi dngos po'i rang gi ngo bo'i mtshan nyid la mngon par zhen pa'i rnam par rtog par yang mi ltung la/ sangs rgyas kyi chos kyi rgyu mi skyed pa yang ma yin te/ ye shes kyi rjes su skye bas de bzhin gshegs pa'i
271b₃ rang gis rig pa'i sa 'thob par 'gyur te/ ji ltar skyes bu'i rmi lam na chu bo rgal bar rtsom pa pha rol tu ma phyin par sad la/ sad nas 'di snyam du ci 'di yang dag pa'am/ 'on te yang dag pa ma yin pa zhes rtog par byed pa de ni yang dag pa yang ma yin/ log pa yang ma yin gyi/
271b₄ gzhan du na thog ma med pa'i mthong ba dang / thos pa dang / bye brag phyed pa dang / rnam par rig pa rgyu'i 'du shes sna tshogs kyi bag chags dang / dbyibs dang / gnas sna tshogs dang / yod pa dang / med pa'i mtshan nyid du lhung ba dang / sems dang yid dang / yid kyi rnam par shes pa'i rmi
271b₅ lam las snang ngo / /blo gros chen po de bzhin du byang chub sems dpa' sems dpa' chen po rnams kyang byang chub sems dpa'i sa brgyad pa la rnam par rtog pa'i mtshan nyid skye bar mthong ba dang / sa dang po nas brtsal bas sa bdun du 'pho ba dang / chos thams cad sgyu ma la sogs pa dang
271b₆ mtshungs par mthong ba'i sbyor bas gzung ba dang / 'dzin pa'i sems rnam par rtog pa'i spyod pa las bzlas te/ sangs rgyas kyi chos kyi sbyor ba byas nas da dung ma thob pa ni thob par byed do/ /blo gros chen po 'di ni byang chub sems dpa' rnams kyi mya ngan las 'das pa'i sbyor ba rnam par mi 'jig pa
271b₇ yin te/ sems dang yid dang / yid kyi rnam par shes pa yongs su spangs nas mi skye ba'i chos la bzod pa 'thob par 'gyur ba'o/ /blo gros chen po don dam pa la ni dang mtshams sbyar ba med de/ snang ba med pa rnam par rtog pa las dben pa'i chos bstan pa'o/ /de nas bcom

_{iiif viewer powered by OpenSeadragon}

271a - 272a

Texts on this page