rKTs

e-texts navigator

Volume

Page

271a₁ yon tan dpag tu med pa ston to/ /nyan thos dang / rang sangs rgyas rnams ting nge 'dzin gyi sgo'i bde bas phrogs par gyur pa'i phyir mya ngan las 'das par 'du shes so/ /blo gros chen po ngas sa bdun pa'i sems dang / yid dang / yid kyi rnam par shes pa'i mtshan nyid
271a₂ la mkhas shing goms par bya ba dang / bdag dang bdag gir 'dzin pa dang / gang zag dang / chos bdag med pa bsdu ba dang / skye ba dang / 'jig pa dang / rang dang spyi'i mtshan nyid la mkhas shing goms par bya ba dang / so so yang dag par rig pa bzhi rnam par gdon mi za ba'i stobs la
271a₃ mkhas pa dang / ting nge 'dzin gyi sgo dang / sa'i mtshams sbyar ba dang / byang chub kyi phyogs kyi chos rnam par dbye bar bya'o/ /byang chub sems dpa' sems dpa' chen po rnams rang dang spyi'i mtshan nyid mi shes shing sa bdun la mi mkhas pa dang / mu stegs can gyi log pa'i
271a₄ lam du lhung bar mi bya ba'i phyir sa'i rnam par gzhag pa yin te/ blo gros chen po 'di la yang dag par gang yang skye ba'am/ 'jig pa zhes bya ba med do/ /gzhan du na 'di lta ste/ sa'i mtshams sbyar ba dang / khams gsum sna tshogs kyi spyod pa 'di ni sems
271a₅ snang ba tsam ste/ byis pa so so'i skye bo rnams kyis khong du mi chud do/ /byis pa so so'i skye bo rnams kyis khong du mi chud pas 'di lta ste/ nga dang sangs rgyas de dag gis sa'i mtshams sbyar ba dang / khams gsum gyi spyod pa sna tshogs bstan to/ /gzhan yang blo gros chen po nyan thos dang /
271a₆ rang sangs rgyas rnams ni byang chub sems dpa'i sa brgyad la 'gog pa'i snyoms par 'jug pa'i bde ba'i myos pas myos te/ rang gi sems snang ba tsam la mi mkhas pas rang dang spyi'i mtshan nyid du lhung ba/ bag chags kyis bsgribs pa/ gang zag dang chos bdag med par lhung ba chos su 'dzin
271a₇ par lta ba/ rnam par rtog pas mya ngan las 'das par rab tu shes par gyur te/ rab tu dben pa la mos pa'i blo ni ma yin no/ /blo gros chen po byang chub sems dpa'i ni sgo'i bde ba mthong yang sngon gyi smon lam dang / snying brtse ba dang / snying rje chen po dang ldan zhing mthar thug pa'i gnas bcu rnam

_{iiif viewer powered by OpenSeadragon}

270b - 271b

Texts on this page