rKTs

e-texts navigator

Volume

Page

270b₁ snyoms par 'jug gi / nyan thos dang / rang sangs rgyas rnams ni ma yin te/ nyan thos dang / rang sangs rgyas rnams ni mngon par 'du byed pa'i blo can gzung ba dang / 'dzin pa'i mtshan nyid du lhung bas 'gog pa'i snyoms par 'jug go/ /de bas na sa bdun pa ni yid la byed pas snyoms
270b₂ par 'jug pa ma yin te/ chos thams cad bye brag med pa'i mtshan nyid thob pas rim gyis mtshan nyid kyi dngos po sna tshogs thob pa ni ma yin no/ /dge ba dang mi dge ba'i chos thams cad kyi rang gi mtshan nyid khong du chud de/ snyoms par 'jug pas de'i phyir sa bdun pa la dge ba'i sems
270b₃ kyis snyoms par 'jug pa med do/ /blo gros chen po sa brgyad pa'i byang chub sems dpa' dang / nyan thos dang / rang sangs rgyas rnams kyi sems dang / yid dang / yid kyi rnam par shes pa'i rnam par rtog pa dang / 'du shes ldog par 'gyur ro/ /sa dang po nas sa bdun pa'i bar gyi byang chub
270b₄ sems dpa' de dag khams gsum pa 'di ni sems dang yid dang / yid kyi rnam par shes pa tsam mo zhes so sor rab tu rtog ste/ bdag dang bdag gi dang bral ba/ rang gi rnam par rtog pa'i spyod pa can/ phyi rol gyi dngos po sna tshogs kyi mtshan nyid du ltung ba/ byis pa so so'i skye bo rnams kyi rang
270b₅ gi mtshan nyid gzung ba dang / 'dzin pa'i dngos po rnam pa gnyis su gyur pas mi shes pa'i rjes su song ba/ thog ma med pa'i dus nas rnam par spros pa'i gnas ngan len gyi bag chags kyis yongs su bsgos pa rnams khong du mi chud do/ /blo gros chen po sa brgyad pa'i byang chub sems dpa'
270b₆ sems dpa' chen po dang / nyan thos dang / rang sangs rgyas rnams kyis mya ngan las 'das pa mtshungs kyang byang chub sems dpa' ni ting nge 'dzin blos yongs su bzung bas/ de'i phyir ting nge 'dzin gyi sgo'i bde bas yongs su mya ngan las mi 'da'o/ /gal te yongs su ma bzung du zin na ni de bzhin
270b₇ gshegs pa'i sa yongs su rdzogs par mi 'gyur zhing sems can gyi bya ba thams cad yongs su spang bar 'gyur la/ de bzhin gshegs pa'i rigs kyi gdung yang chad par 'gyur bas na/ sangs rgyas bcom ldan 'das rnams de bzhin gshegs pa'i bsam gyis mi khyab pa'i

_{iiif viewer powered by OpenSeadragon}

270a - 271a

Texts on this page