rKTs

e-texts navigator

Volume

Page

270a₁ brtsams nas rab spangs shing / /dbyibs dang rnam pa gzhan 'gyur dang / /dngos po gzugs ni mi rtag pa/ /mu stegs blun pos rtog par byed/ /dngos po rnams la 'jig pa med/ /'byung ba 'byung ba'i rang bzhin gnas/ /mu stegs mi rtag 'du shes pa/ /lta ba sna
270a₂ tshogs bying ba 'gyur/ /mu stegs can ni de dag la/ /skye dang 'jig pa gang yang med/ /'byung ba 'byung ba'i rang bzhin rtag /ji skad mi rtag nyid du rtog /thams cad sems tsam snang ba ste/ /rnam pa gnyis su sems kyang 'jug /gzung ba dang ni 'dzin pa'o/ /bdag dang bdag gi
270a₃ yod ma yin/ /tshangs pa sdong po rtsa ba yin/ /yal ga lo ma kun du khyab/ /'di skad du ni ngas bshad de/ /de dag gi ni sems tsam yin/ /de nas yang byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das byang chub sems dpa'
270a₄ dang / nyan thos dang / rang sangs rgyas thams cad kyis 'gog pa'i snyoms par 'jug pa'i mtshams sbyor ba'i mtshan nyid bshad du gsol/ gal te 'gog pa'i snyoms par 'jug pa'i mtshams sbyor ba'i mtshan nyid la mkhas par gyur na/ bdag dang
270a₅ byang chub sems dpa' gzhan rnams kyang 'gog pa'i snyoms par 'jug pa'i bde ba'i sgo spang bar mi 'gyur zhing / nyan thos dang / rang sangs rgyas dang / mu stegs can gyi rmongs par ltung bar mi 'gyur lags so/ /bcom ldan 'das kyis bka' stsal pa/ blo gros chen po shin tu
270a₆ legs par nyon la yid la zung shig dang / ngas khyod la bshad par bya'o/ /blo gros chen pos bcom ldan 'das la bcom ldan 'das bshad du gsol/ zhes gsol pa dang / bcom ldan 'das kyis bka' stsal pa/ blo gros chen po sa drug pa'i byang chub sems dpa' sems dpa' chen
270a₇ po dang / nyan thos dang / rang sangs rgyas rnams kyis snyoms par 'jug pa skyed par byed la/ sa bdun pa'i byang chub sems dpa' sems dpa' chen po rnams ni sems kyi skad cig re re la snyoms par 'jug ste/ dngos po thams cad kyi rang bzhin gyi mtshan nyid yongs su spangs pas

_{iiif viewer powered by OpenSeadragon}

269b - 270b

Texts on this page