| e-texts navigator |
| བོད་ཡིག |
269a1 'byung ba dang 'byung ba las gyur pa'i gzugs gnas pa rnams ni skye ba dang 'jig pa yod par shes na/ 'byung ba chen po dang 'byung ba las gyur pa'i gzugs las logs shig na/ mu stegs can rnams kyis gang la bsams nas mi rtag pa zhes rtog ste/ 'byung ba
269a2 chen po bzhi mi skye ba dang / rang bzhin gyi mtshan nyid mi 'jig pa'i phyir ro/ /de la dang po rtsom pa yongs su spangs pa'i mi rtag pa nyid ces bya ba ni 'byung ba chen po bzhi yang ma yin pa dang / gzhan yang tha dad pa'i 'byung ba chen po bzhi dang / so so tha dad pa'i mtshan nyid dang / rang gi
269a3 mtshan nyid kyi phyir ro/ /bye brag mi dmigs pa dang / de'i bye brag med pa dang / de la sogs pas yang mi rtsom pa dang / sbyor ba rnam pa gnyis pa mi rtsom pa ni mi rtag pa nyid shes par bya'o/ /de la dbyibs rnam par 'jig pa'i mi rtag pa zhes bya ba ni 'di lta ste/ 'byung ba chen po bzhi
269a4 dang / rgyur byas pa'i gzugs rnams kyi mi 'jig pa ni mthar phyin pa'i bar du mi 'jig go zhes zer la/ blo gros chen po mthar phyin pa ni rdul phra mo'i bar du rab tu phye ste/ 'jig pa las so sor brtags na 'byung ba chen po bzhi dang / rgyur byas pa'i gzugs rnams tha dad par mthong ba'i
269a5 dbyibs dang ring thung mi dmigs te/ 'byung ba chen po bzhi ni ma yin pas 'byung ba chen po bzhi mi 'jig gi /dbyibs rnam par 'jig par lta bas grangs can gyi smra bar ltung ba yin no/ /de la gzugs nyid mi rtag pa nyid ces bya ba ni 'di lta ste/ gzugs nyid mi rtag pa nyid yin pas dbyibs
269a6 de dag mi rtag pa nyid de 'byung ba chen po rnams ni ma yin no/ /gal te 'byung ba bzhi po rnams mi rtag pa nyid yin na ni 'jig rten gyi grangs su brjod pa ma yin no/ 'jig rten gyi brjod pa'i dngos po med na ni 'jig rten rgyang pan pa'i lta bar ltung bar 'gyur te/ dngos po thams cad brjod pa'i
269a7 tshig tsam du mthong zhing rang gi mtshan nyid skye bar mi mthong ba'i phyir ro/ /de la rnam par 'gyur ba'i mi rtag pa zhes bya ba ni 'di ltar gzugs dngos po gzhan du 'gyur bar snang ba ste/ 'byung ba chen po rnams ni ma yin no/ /ji ltar gser las rgyun du byas pa rnams 'gyur bar snang yang
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u