| e-texts navigator |
| བོད་ཡིག |
268b1 go/ /blo gros chen po 'di ni dngos po thams cad kyi dngos po med pa'i phyir mi rtag pa'i bya ba'o/ /mi rtag pa ma gtogs par gzhan gang yang chos thams cad kyi dngos po dngos po med par byed pa mi dmigs te/ ji ltar dbyug pa dang / gyo mo dang / rdo bas dngos po dag bcom par byed
268b2 pa bzhin no/ /mngon sum du so sos tha mi dad par mthong bas mi rtag pa nyid dngos po'i bya ba yin gyi/ byed pa dang bya ba bye brag yod pa ni ma yin te/ 'di ni mi rtag pa nyid do/ /'di ni bya ba'o zhes bya ba'i bye brag med pa'i phyir ro/ /byed pa dang bya ba tha mi dad na ni dngos po thams cad rtag
268b3 cing rgyu'i ngo bo nyid med par 'gyur ro/ /blo gros chen po dngos po thams cad kyi ngo bo nyid med pa ni rgyu yod de/ byis pa so so'i skye bo rnams kyis shes par bya ba ma yin no/ /rgyu ma yin na mi 'dra ba'i dngos po skyed par 'gyur ro/ /ci ste skyed na ni dngos po thams cad mi rtag par yang 'gyur
268b4 zhing / /dngos po mi 'dra ba yang yin pas byed pa dang bya ba yang bye brag med par yang 'gyur la/ thams cad kyis bye brag yod par yang mthong bar 'gyur ro/ /gal te ngo bo nyid mi rtag pa nyid yin na ni bya ba'i rgyu'i ngo bo nyid kyi mtshan nyid du lhung bar gyur na ni dngos po thams cad yongs
268b5 su rdzogs par mi 'gyur ro/ /dngos po thams cad byed pa'i rgyu'i mtshan nyid du lhung na ni mi rtag pa bdag nyid mi rtag par 'gyur ro/ /mi rtag pa nyid mi rtag pa'i phyir dngos po thams cad mi rtag par mi 'gyur te rtag pa nyid du 'gyur ro/ /gal te mi rtag pa dngos po thams cad kyi nang du song ba
268b6 yin na ni dus gsum du lhung bar 'gyur te/ gang 'das pa'i gzugs de ni zhig pa dang ldan pa'o/ /gang ma 'ongs pa ni ma skyes pa ste/ gzugs ma skyes pa'i phyir ro/ /da ltar gyi gzugs ni 'jig pa'i mtshan nyid dang ldan pa'o/ /de la gzugs ni 'byung ba chen po rnams bsags pa'i bye brag
268b7 go/ /'byung ba chen po dag dang / 'byung ba las gyur pa'i gzugs rnams kyi rang bzhin ni mi 'jig ste/ tha dad pa dang / tha dad pa ma yin pa spangs pa'i phyir ro zhes mu stegs can thams cad 'byung ba chen po rnams mi 'jig par rtog go/ /blo gros chen po srid pa gsum po thams cad
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u