| e-texts navigator |
| བོད་ཡིག |
268a1 'du byed thams cad mi rtag pas/ /skye zhing 'jig pa'i chos can no zhes bka' stsal na/ 'di'i don ji lta bu log pa'am/ yang dag pa zhig lags/ mi rtag pa nyid la ni rnam pa du mchis/ bcom ldan 'das kyis bka' stsal pa/ blo gros chen po mu stegs can rnams la
268a2 ni mi rtag pa rnam pa bdun yod kyi/ nga'i bstan pa la ni ma yin no/ /rnam pa bdun gang zhe na/ de dag kha cig 'di skad du mngon par 'dus byas nas/ yongs su spangs pa ni mi rtag pa nyid do zhes zer ro/ /kha cig ni dbyibs rnam par 'jig pa ni mi rtag pa nyid do zhes zer ro/ /kha cig ni
268a3 gzugs nyid mi rtag pa nyid do zhes zer ro/ /kha cig ni gzugs rnam par 'gyur ba'i gnas skabs ni mi rtag pa nyid ces bya ste/ bar chad med par rang gi ngang gis 'brel zhing 'jig pas/ ji ltar 'o ma las zhor 'gyur ba la sogs pa'i bye brag tha dad pa mthong bar mi nus pa de bzhin du
268a4 dngos po thams cad la yang rnam par 'jig pa'i mi rtag pa nyid du 'jug go zhes zer ro/ /kha cig ni dngos po mi rtag pa nyid do zhes zer ro/ /kha cig ni dngos po'i dngos po med pa mi rtag pa nyid do zhes zer ro/ /kha cig ni chos thams cad mi skye bas mi rtag pa nyid de/ chos thams cad
268a5 kyi nang du 'jug pa'o zhes zer ro/ /de la blo gros chen po dngos po med pa mi rtag pa nyid ces bya ba ni 'di lta ste/ 'byung ba chen po bzhi dang / 'byung ba las gyur pa'i rang gi mtshan nyid 'jig cing 'byung ba chen po bzhi'i rang bzhin ni mi dmigs pa dang mi skye ba'o/ /de la mi skye ba'i mi rtag pa
268a6 zhes bya ba de ni rtag pa dang / mi rtag pa yin pas chos thams cad yod pa dang med pa mi skye ba dang / rdul phra mo'i bar du rab tu bshig ste/ mi mthong ba 'di ni mi skye ba'i don yin gyi skye ba ni ma yin pas 'di ni mi skye ba'i mi rtag pa nyid kyi mtshan nyid yin te/ 'di khong du ma chud pa ni
268a7 mu stegs can rnams kyi skye ba mi rtag pa'i don du lhung bar 'gyur ro/ /blo gros chen po dngos po mi rtag pa ni rang gis blos rnam par brtags pa ste/ rtag pa dang / mi rtag pa'i dngos po ni ma yin no/ /de ci'i phyir zhe na/ 'di lta ste/ mi rtag pa ni rang gi ngo bo nyid kyis mi 'jig
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u