| e-texts navigator |
| བོད་ཡིག |
266b1 pa so so'i skye bo mi mkhas pa rnams ni yang dag pa ma yin par lhung bas skye ba dang 'gag pa'i rnam par rtog pa 'byung gi 'phags pa rnams ni ma yin no/ /de la yang dag pa ma yin pa zhes bya ba ni dngos po'i rang bzhin brtags pa de bzhin du yang ma yin/ gzhan du yang ma yin no/ /gal
266b2 te gzhan du brtags na ni dngos po thams cad kyi rang bzhin la mngon par zhen pa nyid du 'byung bas rab tu dben pa mi mthong ngo / /rab tu dben pa mi mthong na rnam par rtog pa dang bral bar mi 'gyur ro/ /de'i phyir blo gros chen po mtshan ma med pas ni mchog mthong gi mtshan mas ni ma yin te/
266b3 mtshan mar mthong ba ni skye ba len pa'i rgyu yin pa'i phyir mchog ma yin no/ /blo gros chen po mtshan ma med pa ni rnam par rtog pa mi skye ste/ mi 'byung mi 'gag pas ngas mya ngan las 'das pa zhes bshad de/ blo gros chen po de la mya ngan las 'das pa ni yang dag pa'i don ji lta ba bzhin du mthong
266b4 bas sngar rnam par rtog pa'i sems dang sems las byung ba'i chos rnams spangs pa/ de bzhin gshegs pa'i so so rang gis rig pa 'phags pa'i ye shes thob pa de ni ngas mya ngan las 'das pa yin no zhes bstan to/ /de nas bcom ldan 'das kyis don de nyid yang bstan pa'i phyir tshigs
266b5 su bcad pa 'di dag gsungs so/ /skye bar smra ba de bzlog phyir/ /mi skye don ni rnam par gzhag /nga yis de ltar bshad pa'i chos/ /byis pa rnams kyis rig mi nus/ /chos rnams thams cad mi skye bas/ /dngos po med cing skye ba med/ /rmi lam sgyu ma dri za'i grong / /dngos po yod kyang rgyu ni
266b6 med/ /ma skyes rang bzhin med pa dang / /ci phyir stong pa'ang bshad par bya/ /'dus pa dag ni yongs spangs shing / /blo gros rig na dngos mi snang / /de phyir stong nyid ma skyes pa/ /rang bzhin med par ngas bshad do/ /'di ltar re re 'dus pas na/ /dngos po snang yang yod ma yin/ /rnam par
266b7 gzhig na 'dus pa med/ /mu stegs lta ba ltar yang min/ /rmi lam sgyu ma skra shad dang / /smig rgyu dri za'i grong khyer ltar/ /'jig rten dngos po sna tshogs kun/ /rgyu med mtshan nyid rab tu snang / /rgyu yod smra ba gdul ba'i phyir/ /ma skyes don ni rab tu bsgrags/ /skye med rab tu bsgrags pas
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u