| e-texts navigator |
| བོད་ཡིག |
266a1 bshad pa'i skye ba med pa dang / 'gag pa med pa ni mu stegs can rnams kyi skye ba med pa dang 'gag pa med pa dang mtshungs pa ma yin te/ de ci'i phyir zhe na/ mu stegs can de dag ni dngos po'i rang bzhin yod pas ma skyes pa dang / mi 'gyur ba'i mtshan nyid mi 'thob kyi nga
266a2 ni de ltar yod pa dang / med pa'i phyogs su lhung ba ma yin no/ /blo gros chen po nga ni yod pa dang med pa'i phyogs dang bral ba/ skye ba dang 'jig pa dang bral ba/ dngos po yang ma yin/ dngos po med pa yang ma yin te/ sgyu ma dang / rmi lam gyi gzugs sna tshogs lta bur snang ba'i phyir dngos
266a3 po med pa yang ma yin no/ /ji ltar na dngos po med pa yin zhe na/ 'di lta ste/ gzugs kyi rang bzhin gyi mtshan nyid med cing gzung ba rnams snang ba dang mi snang ba'i phyir dang / 'dzin pas yongs su ma bzung ba'i phyir des na dngos po thams cad ni dngos po yang ma yin/ dngos po med pa yang
266a4 ma yin no/ /'di ltar rang gi sems snang ba tsam du khong du chud pas rnam par rtog pa mi skye zhing shin tu bde bas 'jig rten gyi bya ba rnams rab tu zhi ba yin na/ byis pa so so'i skye bo mi mkhas pa rnams bya ba yod par rnam par rtog gi 'phags pa rnams ni ma yin no/ /yang dag pa ma yin pa'i
266a5 rnam par rtog pa ni dri za'i grong khyer dang / sgyu ma dang / sprul pa'i skyes bu lta bu'o/ /blo gros chen po dper na dri za'i grong khyer gyi nang du sgyu ma dang / sprul pa'i skyes bu'i 'dren pa mang po sna tshogs 'byung zhing 'jug pa la/ byis pa mi mkhas pa'i rnam par rtog pas bden par 'di dag 'byung ngo / /
266a6 'jug go zhes smra yang yang dag par 'byung zhes bya ba'am/ 'jug pa zhes bya ba med de/ de ni rnam par rtog pa tsam du zad pa'i phyir ro/ /de bzhin du blo gros chen po byis pa so so'i skye bo mi mkhas pa rnams skye ba med pa dang / 'gag pa med pa'i nor pa skyed par byed de/ de dag la ni 'dus
266a7 byas sam/ 'dus ma byas gang yang med do/ /sgyu ma'i skyes bu ltar skye yang yang dag par de la skye ba'am 'gag pa ci yang med de/ dngos po dang dngos po med pa gang yang yod pa ma yin pa'i phyir ro/ /chos thams cad kyang de bzhin te/ skye ba dang 'gag pa spangs pa yin na/ byis
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u