| e-texts navigator |
| བོད་ཡིག |
265a1 bo/ /de bzhin du byis pa so so'i skye bo rnams kyang sgra ji bzhin gyi sor mo'i rtse mo 'dzin cing mngon par zhen te/ 'chi ba la thug gi bar du yongs su mi gtong bas sgra ji bzhin gyi sor mo'i rtse mo spangs pa don dam pa'i de kho na nyid 'thob par mi nus so/ /blo gros chen po dper na byis pa
265a2 chung ngu rnams ni zas g.yos su byas pa rnams bza' ba'i rigs kyi g.yos su ma byas pa rnams ni bza' ba'i mi rigs pa las/ gal te g.yos su ma byas pa zos na smad nad slong bar 'gyur te/ kha zas rim gyis g.yos su bya ba mi shes pa'i phyir ro/ /blo gros chen po de bzhin du skye ba med pa
265a3 dang / 'gag pa med pa yang thabs kyis mngon par ma bsgrubs na mdzes par mi 'gyur ro/ /de lta bas na blo gros chen po thabs kyis mngon par bsgrub pa la brtson par bya zhing sor mo'i rtse mo la lta ba ltar sgra'i rjes su 'brang bar mi bya'o/ /de'i phyir blo gros chen po de kho na'i don la thabs
265a4 kyis mngon par brtson par bya'o/ /de la de kho na'i don ni rab tu dben pa ste/ mya ngan las 'das pa'i rgyu'o/ /sgra ni rnam par rtog pa dang rjes su 'thun pa'o/ /rnam par rtog pa ni 'khor ba sdud pa'o/ /blo gros chen po de la de kho na nyid kyi don ni mang du thos pa las thob par 'gyur ro/ /blo gros
265a5 chen po mang du thos pa ni 'di lta ste/ don la mkhas pa yin gyi sgra la mkhas pa ni ma yin no/ /don la mkhas pa ni mu stegs can gyi smra ba thams cad kyi rjes su mi 'brang bas bdag nyid kyang rjes su 'brang bar mi byed la gzhan dag kyang rjes su 'brang bar byed du mi 'jug ste/ 'di ni yon tan
265a6 chen po mang du thos pa dang ldan pa zhes bya'o/ /de bas na don 'dod pa rnams kyis mang du thos pa la bsten par bya ste/ 'di lta ste/ don la mkhas pa'o/ /'di las bzlog pa sgra la mngon par zhen pa de dag ni yongs su spang bar bya'o/ /de nas yang byang chub sems dpa' blo gros chen po sangs rgyas
265a7 kyi byin gyi rlabs kyis bcom ldan 'das la 'di skad ces gsol to/ /bcom ldan 'das kyis skye ba ma mchis pa dang / 'gag pa ma mchis pa zhes rab tu phye ba de ni ngo mtshar du gyur pa ci yang ma mchis so/ /de ci'i slad du zhe na/ mu stegs rnams kyis rgyu yang ma skyes ma 'gags
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u