| e-texts navigator |
| བོད་ཡིག |
264a1 gshegs pa ni yi ger lhung ba'i chos mi ston te/ yi ge rnams kyi yod pa dang / med pa mi dmigs pa'i phyir gzhan du na yi ger ma lhung bas/ chos ston to/ /blo gros chen po gal te kha cig 'di skad du de bzhin gshegs pa ni yi ger lhung ba'i chos mi ston to zhes
264a2 zer ba/ de ni du smra ba ste/ chos nyid ni yi ge dang bral ba'i phyir ro/ /de lta bas na blo gros chen po nga la sogs pa sangs rgyas dang / byang chub sems dpa' rnams ni yi ge gcig kyang ma bshad 'chad par mi 'gyur ro/ /de ci'i phyir zhe na/ chos rnams yi ge dang bral ba'i phyir
264a3 ro/ /don dang mi ldan par 'chad pa yang ma yin te/ brjod pa ni sems can gyi rnam par rtog pa yin pa'i phyir ro/ /blo gros chen po gal te chos thams cad ma bshad na ni bstan pa'i chos rnams 'jig par 'gyur ro/ /bstan pa'i chos zhig na ni sangs rgyas dang / byang chub sems dpa'
264a4 dang / rang sangs rgyas dang / nyan thos rnams kyang med par 'gyur ro/ /de dag med na ni gang zhig su la ci zhig bshad de/ de lta bas na blo gros chen po byang chub sems dpa' sems dpa' chen pos bshad pa brjod pa'i sgra la mngon par chags par mi bya zhing / bsam pa ji lta ba bzhin
264a5 du mdo sde'i chos rnams rgya cher bshad par bya'o/ /'di ltar sems can rnams kyi re ba dang / nyon mongs pa ni gcig pa ma yin pa'i phyir nga dang sangs rgyas gzhan rnams kyis mos pa tha dad pa sna tshogs kyi sems can rnams sems dang yid dang / yid kyi rnam par shes pa bzlog pa'i phyir chos
264a6 bstan par bya ba yin gyi/ so so rang gis rig pa 'phags pa'i ye shes kyi gnas thob pa la ni ma yin no/ /blo gros chen po chos thams cad snang ba med pa/ rang gi sems snang ba tsam du khong du chud pa/ rnam par rtog pa gnyis spangs pa'i byang chub sems dpa' sems dpa' chen po rnams
264a7 kyis don la rton par bya'i yi ge la rton par mi bya'o/ /blo gros chen po gal te rigs kyi bu'am rigs kyi bu mo gang la la yi ge la rton pa de dag ni bdag kyang don dam pa las nyams par byed la/ gzhan yang rtogs par byed mi nus te/ lta ba ngan pa'i rgyud du lhung bar 'khor rnams la
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u