rKTs

e-texts navigator

Volume

Page

263b₁ yod do/ /stong pa nyid du shes pa yang yod do/ /de bzhin nyid du shes pa yang yod do/ /bden pa nyid du shes pa yang yod do/ /de kho na nyid du shes pa yang yod do/ /chos kyi ngo bo nyid du shes pa yang yod do/ /mya ngan las 'das par shes pa yang yod do/ /rtag par shes pa yang yod do/ /
263b₂ mnyam pa nyid du shes pa yang yod do/ /gnyis su med par shes pa yang yod do/ /mtshan ma med par shes pa yang yod do/ /rnam par thar par shes pa yang yod do/ /lam yin par shes pa yang yod do/ /yid la byung bar rab tu shes pa yang yod do/ /blo gros chen po de la sogs
263b₃ pa ming grangs med pa brgya stong phrag gsum lhag chad med par 'jig rten gyi khams 'di dang / gzhan kun gyis nga la chu'i zla ba bzhin du 'byung ba yang med/ 'jug pa yang med par rab tu shes so/ /byis pa so so'i skye bo dag gis ni nga rab tu mi shes te/ mtha' gnyis su lhung ba'i
263b₄ phyir ro/ /'on kyang nga la bkur sti byed mchod par byed de/ tshig gi don gyi tshul la mi mkhas pas ming rnam par 'byed mi nus shing rang gi tshul mi shes pas/ brjod pa'i tshig sna tshogs la mngon par zhen nas/ skye ba med pa dang / 'gag pa med pa la dngos po med par 'du shes so/ /
263b₅ de bzhin gshegs pa'i ming gi rnam grangs tha dad pa dbang po dang / brgya byin dang / grong khyer 'jig pa lta bur ma shes shing / rang gi tshul mthar thug pa la rmongs pas/ chos thams cad la sgra ji bzhin du mngon par zhen to/ /blo gros chen po skyes bu blun po de dag 'di skad du don ni ji
263b₆ bzhin pa nyid de/ sgra las don gzhan ma yin no/ /de ci'i phyir zhe na/ 'di lta ste/ don ma lus pa med pa'i phyir sgra las gzhan ci yang med do/ /sgra 'ba' zhig go zhes zer ro/ /blo gros chen po log pas bsregs pa'i blo can de dag sgra'i rang bzhin yongs su mi shes pas sgra la skye ba
263b₇ dang / 'gag pa yod cing don la skye ba dang / 'gag pa med par mi rig go/ /blo gros chen po sgra thams cad ni yi ger lhung ba'o/ /don ni ma lhung ba ste/ dngos po dang dngos po med pa spangs pa'i phyir dang / skye ba len pa med cing lus med pa'i phyir ro/ /blo gros chen po de bzhin

_{iiif viewer powered by OpenSeadragon}

263a - 264a

Texts on this page