rKTs

e-texts navigator

Volume

Page

263a₁ skad ces bka' stsal to/ /blo gros chen po nga ni de bzhin gshegs pa dngos po med par bshad pa yang ma yin/ skye ba med pa dang / 'gag pa med pas chos thams cad smos pa yang ma yin/ rkyen la ltos pa yang ma yin pa'i phyir/ skye ba med pa dang / 'gag pa med kyang don
263a₂ med pa yang ma yin no/ /blo gros chen po ngas yid las byung ba'i chos kyi sku'i de bzhin gshegs pa'i ming gi tshig su ma skyes pa zhes bshad pa de ni mu stegs can dang / nyan thos dang / rang sangs rgyas dang / sa bdun la rab tu gnas pa'i byang chub sems dpa' rnams kyi spyod yul ma yin
263a₃ pas/ blo gros chen po ma skyes pa de ni de bzhin gshegs pa'i rnam grangs kyi tshig yin no/ /blo gros chen po dper na/ dbang po dang / brgya byin dang / grong khyer 'jig dang / de la sogs pa dngos po re re la yang ming gi rnam grangs mang po yod de/ ming mang ba'i phyir dngos po mang po yod pa yang
263a₄ ma yin la/ rang bzhin med pa yang ma yin no/ /de bzhin du blo gros chen po nga yang mi mjed kyi 'jig rten gyi khams 'di na ming grangs med pa brgya stong phrag gsum yod par byis pa rnams kyi rna lam du grags te/ so so nas nga'i ming brjod kyang de dag gis nga'i de bzhin gshegs pa'i ming gi
263a₅ rnam grangs mi shes so/ /blo gros chen po sems can kha cig ni nga la de bzhin gshegs pa yin par shes so/ /kha cig ni thams cad mkhyen par shes pa yang yod do/ /sangs rgyas su shes pa yang yod do/ /'jig rten skyob par shes pa yang yod do/ /bdag nyid rig par shes pa yang
263a₆ yod do/ /'dren par shes pa yang yod do/ /rnam par 'dren par shes pa yang yod do/ /yongs su 'dren par shes pa yang yod do/ /drang srong du shes pa yang yod do/ /tshangs par shes pa yang yod do/ /khyab 'jug tu shes pa yang yod do/ /dbang phyug tu shes pa yang yod do/ /gtso bor
263a₇ shes pa yang yod do/ /ser skya yin par shes pa yang yod do/ /yang dag pa'i mtha' yin par shes pa yang yod do/ /zla bar shes pa yang yod do/ /nyi mar shes pa yang yod do/ /bdag por shes pa yang yod do/ /skye ba med par shes pa yang yod do/ /'gag pa med par shes pa yang

_{iiif viewer powered by OpenSeadragon}

262b - 263b

Texts on this page