rKTs

e-texts navigator

Volume

Page

262b₁ min phung la gnas pa min/ /gzhan yang 'dres pa yod ma yin/ /ji ltar de yis brtags pa ltar/ /dngos po rnams ni yod ma yin/ /med pa'ang ma yin shes par bya/ /de ni chos kyi chos nyid do/ /yod par gyur phyir med pa yod/ /med par gyur phyir yod pa yod/ /med par yang
262b₂ ni 'dzin mi bya/ /yod par yang ni mi brtag go/ /bdag dang bdag med bslad pas na/ /sgra tsam la ni 'jug pa dag /mtha' gnyis su ni bying ba ste/ /bdag dang 'jig rten rlag par byed/ /nyes pa kun las rnam grol zhing / /nga yi tshul ni rab rtog na/ /de ni yang dag rtogs pa ste/ /
262b₃ 'dren pa che la de mi smod/ /de nas byang chub sems dpa' blo gros chen pos bcom ldan 'das la yang 'di skad ces gsol to/ /bcom ldan 'das ji ltar bcom ldan 'das kyis mdo sde gsungs pa las skye ba ma mchis pa dang / 'gag pa ma mchis pa zhes smos pa yang mdzad la/
262b₄ gzhan yang bcom ldan 'das kyis skye ba ma mchis pa dang / 'gag pa ma mchis pa de ni de bzhin gshegs pa'i tshig so zhes kyang gsungs na/ ci bcom ldan 'das kyis dngos po ma mchis pa'i slad du skye ba ma mchis pa dang / 'gag pa ma mchis pa zhes gsungs sam/ 'on te
262b₅ de bzhin gshegs pa'i rnam grangs gzhan zhig lags/ bcom ldan 'das kyis bka' stsal pa/ blo gros chen po ngas chos thams cad mi skye ba dang / mi 'gag pa zhes bshad kyang yod pa dang med pa'i phyogs ni mi snang ngo / /blo gros chen pos bcom ldan 'das la gsol pa/
262b₆ bcom ldan 'das gal te chos thams cad ma skyes pa zhig lags na ni chos zhes smos pa yang dmigs par mi 'gyur te/ chos thams cad ma skyes pa'i slad du'o/ /ci ste ming la chos mchis pa zhig lags na ni bcom ldan 'das kyis bshad du gsol/ bcom ldan 'das kyis bka'
262b₇ stsal pa/ blo gros chen po legs so legs so/ /shin tu legs par nyon la yid la zung shig dang / ngas khyod la rab tu dbye zhing bshad par bya'o/ /blo gros chen pos bcom ldan 'das la gsol pa/ de bzhin du 'tshal lo zhes bka' mnyan pa dang / bcom ldan 'das kyis 'di

_{iiif viewer powered by OpenSeadragon}

262a - 263a

Texts on this page